Quantcast
Guraso.eus

Amaia Etxabe: herri guztiek hezten dute, kontua da zein baliotan heztea nahi dugun

Martxoaren 28an, Durangon, jardunaldiak egitekoak ziren Oinherri egitasmokoak ,  baina bi aste lehenago erabat aldatu zen mundua. Oraingoan beste formatu batekin, maiatzaren 26an arratsaldeko 18:00etan jardunaldi digitala egingo dute. Amaia Etxabe Oinherriko kidearekin hitz egin dugu jardunaldiaren nondik norakoak ezagutzeko.

Duela urte batzuk ekin genion Herri Hezitzaileen bideari, 2012an hain zuzen ere. Ordutik, jardunaldi eta topaketak antolatzeaz aparte, herriak saretzen eta teoria-praktika uztartzen aritu gara. Orain beste puntu interesgarri batean gaudela ikusita, esperientziak konpartitu, elkarezagutu, herrien arteko sarea egonkortu eta aurrera begira jartzeko gogoz gatoz.

Herri Hezitzailea filosofiaren baitan, Euskal Herri osoko hezkuntzako, euskararen arloko eta aisialdiko 14 eragilek bat egin dute (OinHerri elkartea), oinarrizko zazpi balio lantzeko, eta, horrela, jendartea hobetzeko asmoz. 

Hauek dira zazpi balioak: 
1.    Haurtzaroaren kultura aitortzea eta errespetatzea.
2.    Parte hartzea eta erabakitzeko ahalmena eskaintzea.
3.    Aisialdi hezitzailea
4.    Harremanetan, euskara lehenestea
5.    Aniztasunean berdin eta parekide
6.    Ingurune naturala eta kulturala zaindu
7.    Komunitate sarea eta auzolana 

EGITARAUA (18:00-19:30):

Sarrera: ongi etorria, jardunaldien kokapena, helburuak eta egituraren aurkezpena. 

Oinherriren aurkezpena: zer da oinherri, nortzuk osatzen dugu, zergatik eta zertarako sortu ginen, gure lan ildoak aurkeztu.

Herri hezitzailearen filosofiaren azalpena: filosofia eta 7 giltzarriak aurkezpena. 

Herri ezberdinetako esperientziak ezagutzeko mahaingurua. Ez dago herri hezitzailearen filosofia aplikatzeko modu bakar unibertsalik, tokian tokiko ezaugarriak kontutan hartuz, herri bakoitzak bere egin beharreko bideorri anitzak baizik. Hiru esperientzia oso ezberdin ezagutuko ditugu:

  • Dima: Dimesteneko guraso bat
    • Zer onura eragin ditu Dimestenek herrian? Nola eraldatu du ekimenak herria?
    • Dimesten bezelako ekimen bat martxan egoteak herrian, zein onura dakartza guraso ikuspegitik?
  • Azpeitia: Azpeiti herri hezitzaileko talde eragileko kide bat
    • Herriko eragileekin diagnostiko parte hartzaile bat egin zenuten pasa den urtean. Nola izan zen prozesua?
    • Diagnostikotik ateratako ondorio nagusienak laburbilduko zenituzke?
    • Zergatik da garrantzitsua Udal bezala Oinherriko herri hezitzaileen sarean sartzea?
  • Pasaia: Udaleko parte hartze teknikaria
    • Haur eta gazten parte hartzean urtetako lana eta esperientzia dute Pasaiako Udalean. Nolatan hasi zineten? Ibilbidearen mugarri nagusiak
    • Non zaudete orain? Egungo partaidetza sistema
    • Ze onura eta zailtasun aurkitu dituzue?
  • Galdera/erantzunen tartea: partehartzaileek galderak idatziz bidaltzeko aukera izango dute. 

Itxiera. 

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading