Quantcast
Guraso.eus

Ur zirkuituak

Uda da, bero egunak ugaritu dira eta guraso moduan haurrak bustitzeari diogun beldurra gutxitu da. Baina egia esan, haurrei berdin zaie hotza edo beroa egin, urak erakarmen berezia du eta jolaserako, esperimentaziorako  beti da interesgarria beraientzat.  Guri, guraso moduan zalantza asko sortu arren eta askotan  gatazka iturri ere izan arren, haurrak beti egingo du ura dagoen leku horretara, iturrira edo putzura.

Gaurkoan ur zirkuituak egiteaz idatziko  dut. Txatxilipurdi elkarteak,  aurten Arrasateko Eguzkilaru egunean  haurrentzako antolatzen duen egunean izandako  esperientzia txikitik eta beste gune batzuetan ikusi eta irakurritakoan oinarrituko naiz honetarako.

Uztailaren 25an bero  egin zuen eta Arrasateko Monterron parkean ur zirkuituen tailerra egiteko materiala eraman genuen Eguzkilaru egueko haurrentako eskaintzaren barruan.. Tuberia osoak, zatiak, altuera ezberdinak emateko egurrak,  kaxa eta paletak, kuboak…

Tailerrak ez zeukan egiturarik , guk materiala eraman eta gerturatzen ziren haurrekin batera ur zirkuituak sortzea zen helburua.  Hasiera batean  bertan geunden Txatxilipurdiko bi kideok egin genuen zirkuitu bat ( gure barruko ingeniaria etera gnuen…).  lehen haur taldea etorri zenean zirkuitua apurtu eta berria egiteko proposamena egin genien. Eta halaxe,  taldean edo bakarka  goizean zehar haur eta gaztetxo taldeek beraien zirkuituak egin zituzten bata bestearen atzetik;  altura ezberdinetatik ura bota eta ea noraino iritsi! Bukaeran kubo bat jarri eta ea ura batzen zen!  Ea kortxo egur zati edo harria bota eta urak eramaten zuen!  Goiz polita izan zen eta hausnarketarako ere eman zuen.

Haur txikienek nahikoa zuten ura ukitu, eskuartean hartze saiatu eta eskuak bustitzearekin, etxeko  komunean egiten duten bezala. Nagusienek ingeniaritza lanak egin zituzten urak ahalik eta biderik luzeena egin zezan, lan egin zuten, sortu , apurtu, ura garraiatu …

Beraien kabuz urak  bidea niola egiten duen ikusi zuten, urak objektu ezberdinak nola eramaten dituen, batzuk nola flotatzen duten eta besteek ez. Arazoak konpontzeko ideia irudimentsuak erabili zituzten eta aitortzen dut niri asko kosta zitzaidala beraien lanean ez sartzea, nire heldu eta esperientziadun ikuspegiarekin beraien sormena ez zapuztea!

Guraso ezberdinek haurrekin batera egin zituzten zirkuituak eta laguntza eskaini, ura bota, bide luzatu eta ur isuriak lokalizatu eta konpontzen saiatzeko …

Txatxilipurdi egindako tailer bat izan zen, azken urteetan lan egiteko modua aldatzen gabiltza elkartean, eta aurtengo Eguzkilaru eguna honen adibide izan dela esango nuke.

Haurrek baina beraien kabuz egiten dituzte  froga eta esperimentazio guzti hauek. Hondartzan edo jolasgunean, askotan materialik gabe.

Tierra en las manos blogetik hartutako irudia.

 

 

 

Guk guraso moduan eta urari diogun beldurra gainditzen badugu   materiala egokia eskaini diezaiekegu. Altuera ezberdinak sortzeko, material ezberdinarekin  esperimentatzeko …

 

 IDEIA BATZUK

 

  • Plastikozko kaxak oso aukera erraza dira zirkuituari altuera ezberdinak emateko. Haurrek erraz manipulatzen dituzte gainera, ez dute pisurik eta erraz pilatzen dira bata bestearen gainean.
  • Tuberia neurri ezberdinek ere aukerak handitzen dituzte. Luzeagoak edo motzagoak, neurri ezberdinetakoak …
  • Hontzi edo kubo handiak ura garraiatzeko eta zirkuitu amaieran ura batzeko ondo datoz.
  • Edalontziak ura botatzeko. Tubo zatiak loturak egiteko, material txikiek ere jokoa ematen dute.
  • Urak garraiatzeko objektu naturak erabili genituen.

 

 

landerjuaristi

Guraso.eus eko edukiak koordinatzen ditut. Kolaborazioak jaso eta proiektuan txertatu. Txatxilipurdiko saltsetan bustitzen naiz, Txapa irrati librean saioa egiten dut, guraso ere banaiz. Ikasten jarraitzen dut.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading