Txiki foxes. Uliako lore baratzak

Uliako lore baratzak  proiektuaren helburua  komunitatearentzako baratze-lorategi bat abian jartzea da, horretarako, Uliako udal mintegia zaharrak zeuden tokia erabiliz. Asmoa eremua behin-behineko izaeraz aprobetxatzea dute, toki horretarako udalak hirigintza planik garatzen ez duen bitartean.

Julen Rodrigezekin hitz egin genuen Egitasmoaren berri izateko.

2008an mintegi izateari utzi zionetik etxalde  itxita egon da, eta urteak eta urteak eman dira inongo erabilpenik gabe. Gaur egungo egoera ekonomikotik eratorritako arazoei aurre egiteko aisialdi kontziente eta eraikitzailea gauzatzeko gune baten beharra ikusten zuten  auzoko hainbat sektorek (familiak, langabetuak, gazteak, erretiratuak…). Izan ere, barazkiak, loreak eta landareak haztea zen garai batean egiten zen jarduera eta, beraz, lurra prestatuta zegoen horretarako..

Urteak eman ditu Uliako Auzo-Elkarteak Donostiako Udalari etxalde hau komunitateari irekitzeko eskakizunak egiten eta, zentzu horretan, Uliako Lore-Baratzak ekimena eskaera horiei bateratuko zitzaion. 2013ko otsailean aurkeztu zioten  udalari, lehen aldiz, egitasmoa eta urte hartan baimena lortu ez izan arren, lanean jarraitu zuten. Horrela urte bereko ekainean “Ate Ireki” jardunaldiekin hasi ziren, donostiar guztiei parkea eta bere altxorrak erakustsi ahal izateko eta, bide batez, egitasmoa aldarrikatzeko. Azkenik udalak entzun zituen beraien  eskaerak eta 2014ko abenduan konkurso publikora atera zuen lursailaren erabilera. Uliako Auzo-Elkarteak 2015ean lortu zuen parkeko giltzak Uliako Lore Baratzak martxan jartzeko aukera.

Ostegunero, parkean, haurrak dira protagonista bakarrak; beraien eskuekin txikiak eta ez hain txikiak diren proiektuak egin, desegin eta berregiten dituzte. Parkeko eremuan aurkitzen diren materiala naturalak erabiltzen dira 17:00etako ekimenetan.

Uliako Lore-Baratzak proiektuak hartzen du bere baitan natura klub edo talde hau. Adin guztientzako haurrentzako jolas eremu bat izatearen garrantziaren jabe, naturarekin kontaktua mantenduz eta parkean aurkitzen diren baliabide naturalak erabiliz.

Informazio gehiago hemen

Argazkiak: Uliako lore-baratzak