Quantcast
Guraso.eus

Plana familian: Sorginetxe eta Aitzkomendiko trikuharriak, Araban

Sorginetxe da ospetsuena eta Aitzkomendi, zalantzarik gabe, ikusgarriena. Zazpi bat kilometroko distantzia dago bien artean eta egun berean ikus daitezke.

Sorginetxe trikuharria Arrizala herritik 600 bat metrora dago. Ez dago inongo arazorik herrigunetik oinez joateko. Autoan ere bertaratu daiteke aparkalekua baitu bertan. Sorginetxe trikuharrian aurkitutako hondakin arkeologikoak brontze garairaino iristen dira.

Trikuharri honetatik Aitzkomendikora zazpi bat kilometroko distantzia dago. Oinez egiten baditugu lehenengo Arrizalara iritsiko gara (600 m) eta oinez egiteko bide egokia da. Ondoren, Okariz aldera hartu behar dugu eta kasu honetan autoendako errepide bat erabili beharko dugu. Errepide txikia da eta zirkulazio gutxikoa, baina ez du bazterbiderik eta datu hori kontuan hartu behar da umeekin bagoaz, batez ere txikiak badira. Kasua hori bada gomendatzen da Sorginetxetik Okarizerainoko tartea autoan egitea.

Okarizetik Bikuña aldera egin behar da. Kasu honetan bide egokia da oinez egiteko. A-1 errepide gurutzatu beharko dugu une batean, baina tunela dago horretarako. Tunela gurutzatu eta gutxira sartuko gara Egilazen. Herritik 600 bat metrora dago Aitzkomendiko trikuharria.

Idiekin lanean zebilen baserritar batek aurkitu zuen Aizkomendiko trikuharria, ezustean, 1831. urtean. Adituek diote Euskal Herriko handiena dela.

Oraindik egiteko dago, baina Arabako Foru Aldundiak iragarrita dauka bidegorri bat inguru honetan. 

 

Sorginetxeren argazkiaren iturria.

Aitzkomendiko argazkiaren iturria.

 

 

 

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading