Quantcast
Guraso.eus

Plana familian: Maroño, lasaitasunaren ispilu

Aiaraldeko urtegiak naturaz inguratutako ibilbideak eskaintzen ditu: Gorobel mendilerroaren paisaiak eta pinudiz, hariztiz eta zuhaixkaz osatutako basoak, arrantzaleek haien zaletasunaz gozatzen duten bitartean.

Ez du axola urteko zein sasoi aukeratzen den Maroñoko urtegira joateko, urtaro guztiek dutelako xarma inguru horretan. Kolore ezberdinez tindatzen da paisaia eta argazki panoramiko dotorea lor daiteke. Leku lasaia da, eta ez da ohikoa jendez beteta ikustea. Herriko bizimodua islatzen duten baserriek Arabako iparraldeko naturarekin bat egiten dute urmael bazterretan.

Nola iritsi

Gasteiztik 46 kilometrora dago urtegia; Arespalditza eta Artziniega Amurriorekin lotzen duen errepidea da sarbideetako bat. Ondoren, Maroño eta Izoria norabidea markatzen duen bidegurutzea hartuta, lau kilometrora dago sarrera.
Urtegiari bira ematea erabakitzen dutenek ehun kilometro karratuko ordokiarekin topo egingo dute aurrez aurre; Gorobel mendilerroa urtegiko uretan islatzen den harresi baten antzera altxatzen dena.

Lendoño Goikotik Maroñora

Tologorri tontorrarren oinean dagoen Lendoño Goikoa izango da bigarren ibilbidearen abiapuntua. Bidean, erortzear dagoen Garai baserria topatzeaz gain, oihanpean ardi latxez osatutako artaldeak daude haranean, txakurrek ingurunea otsoengandik babesten duten bitartean.
Venta Fria izeneko baserritik hasiko da txango hori, mandazainen atseden eta ostatu gune izan zena. Eremu garaia denez, oilagorraren bizilekua da; moko luzea duen txoria da hori, pagadiz osatutako baso hezeetako orbeletan elikatzen dena.
Bidea Belandia alderantz joango da jarraian, maldan behera; gero, erkametz eta pinu gorriz betetako basoak zeharkatuko ditu. Orduan, Belandiatik Agiñigalderantz abiatuko da larreetatik. Agiñigan bidea errepide bihurtuko da eta Maroñoko urtegiaren hegalean amaituko da. Bi ordu eta erdiko ibilaldi ederra bigarren hau.
Albistearen eta argazkiaren iturria alea.eus.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading