Quantcast
Guraso.eus

Luis Castellanos: “Hitzak fisikoak dira; izan ere, sendatzeko gaitasuna dute eta min egitekoa ere bai”

Ikertzailea eta filosofian doktorea da Luis Castellanos eta lengoaiak edo hitzek pertsonen adimenean duten eragina izan du aztergai. “Hitzek garunean nola funtzionatzen duten ikertzen dut”, azaltzen du.

Lengoaia positiboaren garrantzia nabarmentzen du, eta heziketan duen eragina azpimarratzen du. “Lengoaia positiboak garuna eraldatzen du, eta adimena da garenaren gakoa. Bertan gordetzen dugu gure portaerarekin zerikusia duen guztia eta hitzek eragina dute gure portaeran; izan ere, mundua ikusteko eta ulertzeko trena dira eta horrekin batera mundua aurrean jokatzeko erreakzionatzeko trena”, azaltzen du Castellanosek.

Ikertzaileak argitzen du hitzekin eraikitzen ditugula nortasuna, oroimena, ametsak eta mundua ikusteko gaitasuna. “Hitz positiboek azkartasuna ematen digu, garunak azkarrago erreakzionatzen du. Gainera, adiago egoten gara eta kontzentratuago. Energia eta sormena eragiten dute. Orain arte ez genekien hitzak energia iturri direla. Orain badakigu eta hori oso garrantzitsua da neska-mutikoei begira. Konturatzea, alegia, lengoaiak bizitza aktibatzen duela”.

Hitz ezkorrak kaltegarriak dira

Hitz ezkorrek estutu eta konprimitu egiten dutela azaltzen du Castellanosek. “Txikiagotu egiten dute. Min egiten dute. Fisikoa da. Zoriontasuna sentitzen duzunean non sentitzen duzu? Zein gorputz ataletan? Bular inguruan edo sabelean diote batzuk. Tristurarekin berdina gertatzen da. Esaten digutenean ez garela gai, ez dugula inoiz lortuko, ez dugula ezertarako balio… Non sentitzen dugu? Sabelean, bularrean, hankak dardarka hasten dira… Somatizatu egiten dugu”.

Bai, hitz garrantzitsua

Baiezko batek zubiak altxatzen ditu. “Bai da jakin-nahia, harridura, aktibazioa… Sozialki, gainera, ezinbestekoa da eraldatzailea delako. Ezezkoak, aldiz, ateak ixten ditu. Baiezkoa ematen digutenean sortzaile izan gaitezke. Ahalduntzea dakarren hitza da, eta zerbait eraikitzen hasteko aukera ematen du. Baiezkoaren aurrean erreakzio bat ematen da garunean. Ireki egiten da, azkarrago funtzionatzen hasten da. Adiago eta kontzentratuago egoten da. Adimenduagoak gara eta baliabideak topatzeko indarra ematen du. Ezezkoan tematzen direnak garuna zigilatzen ari dira. Horrela ezin da sortzaile izan”.

Argazkiaren iturria hemen.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading