Quantcast
Guraso.eus

Liburu proposamena: Haizea sahats artean

 

1908an argitaratu zuen estreinakoz Kenneth Grahame idazle eskoziarrak (1859-1932). Lau urteko semeari ahoz kontatzen zizkion istorioetan oinarritu zen haur eleberri hau ontzeko. Bankuko lanpostua utzi eta Tamesis ibaiaren ertzean hasi zuen bizimodu berria Grahamek eta egilea bezala, ibaiaren ertzean bizi dira eleberri honetako protagonistak ere: Satorra, Igaraba, Ur Arratoia eta Apoa. Grahamek izandako bizimodu garratzaren beste muturrean, animalien gizarte idealizatu eta zoriontsua eskaintzen du eleberriak, elkartasuna eta samurtasuna nagusi diren lagunartea.

Poesiara hurbiltzen den estiloz idatzitako kontakizunean, lau lagunen abentura eta pasadizoak kontatzen ditu egileak, ibaiertzean egindako joan-etorriak eta eguneroko abenturatxoak eta Apoaren erokeria barregarriak. Gizakien antza eta haurren inozentzia dute animalia hauek eta beren xalotasunak egiten ditu hunkigarri. Liburuari darion xalotasun, poetikotasun eta hunkitzeko gaitasun horregatik irakurri da belaunaldiz belaunaldi joan den mende osoan zehar liburu hau, herrialde anglosaxoietan batez ere. Estreinakoz argitaratu zen  euskaraz 2013. utean, Elena Odriozolaren ilustrazioek lagunduta eta Miren Arratibelen itzulpenean. Juan Kruz Igerabidek egin zion  hitzaurrea eta Erein eta Igela argitaletxeek plazaratu.

 

Testuaren iturria: Galtzagorri

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading