Quantcast

Lehen sorospenak: GORAKOAK

 

Lehen sorospenei buruzko gidaliburua argitaratu zuten 2008. urtean Donostia Ospitaleko Pediatria Zerbitzuko mediku egoiliarrek.  Gida  honen helburu nagusia  gurasoei ume gaixoaren edo istripua izan duenaren ondoeza edo mina arintzeko informazio baliagarria eskaintzea izan zen, medikua ordezteko asmorik izan gabe. Hori horrela, medikuarengana joan bitartean, haurrak dituzten guraso guztiek egoera arrunt, urgente eta/edo larrien aurrean baliagarriak diren prozedurak azaltzen dira.

Guk, gida guraso.eus-era ekarriko dugu atalez-atal,  interesgarri izan daitekeelakoan.

  

GORAKOAK

 

Urdail barruan dagoen edukia kanporatzea.
Batzuetan, lepotik gora, gorakoen indarrak sortuta, orban gorri txiki batzuk ager daitezke.
Bakarrik desagertzen dira.

ZER EGIN

 

Goserik ez badu, hoberena tarteka likidoak eskaintzea da.
Goraka egin ondoren, 15-20 minutu pasa eta gero, pixkanaka likidoak eskainiko dizkiogu (10 ml, 10-15 minututik behin).
Beherakoa ere baldin badauka, ahozko hidratazioa da egokiena.

NOIZ ERAMAN HAURRA LARRIALDI-ZERBITZURA

 

Haurra 3 edo 4 hilabete baino gazteagoa denean edo sukar altua
duenean (> 38 ºC).
Deshidratazio-sintomak nabaritzen badira.
Portaera arraroa sumatzen bada, sukar altua (40 ºC), buruko edo
lepoko min handia, gorputzean orbanak, sabeleko mina edo intoxikazio susmoa izanez gero.
Beherako edo gorakoetan odol nahasia ikusiz gero.

DESHIDRATAZIO-SINTOMAK

 

Egarri bortitza.
Likido tolerantzia gutxitua.
Begi barneratuak.
Ahoko mukosa lehorra.
Azal lehorra, gernu edo malko produkzio gutxitua.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading