Quantcast
Guraso.eus

Lau asteko aitatasun baimenak indarrean dira Hego Euskal Herrian

Espainiako Berdintasun Legeak zehaztutakoa baino sei urte geroago ezarriko dute neurria, baina aurrerantzean lau astekoak izango dira aitatasun baimenak Hego Euskal Herrian. Orain arte bezala, baimena jaiotza, adopzio edo harreretan ere eskatu ahalko da. Sexu bereko bikoteek aukera bera izango dute.

4160720948_f19a0324cb_b

Araudiaren arabera, 2011tik aurrera izan behar zuten guraso berriek baimen hori baliatzeko aukera, baina epea atzeratu zuten. Jose Luis Rodriguez Zapateroren Gobernuak bultzatu zuen 2007ko Berdintasun Legea. Bi urteko epean aitatasun baimena bi astetik laura luzatzea aurreikusten zuen. Azkenean, sei urte behar izan dituzte Madrilen neurria indarrean jartzeko.

Ipar Euskal Herrian aitek hiru eguneko baimena dute umearen jaiotzagatik eta beste hamaika egun aitatasun baimenagatik.

Amek hamasei asteko baimena

Amatasun baimena bere horretan mantentzen da: hamasei astekoa izango da aurrerantzean ere. Gurasotasun baimenak eskasak direla iritzi diote hainbat kolektibotik eta gurasotasunaren zein parekidetasunaren alde neurri gehiago hartzea ezinbestekoa dela azpimarratzen dute.

Aitatasun baimen berriari buruz iritzi diote egokiagoa litzatekeela egun guztiak jarraian hartu beharra ez izateak; izan ere, legez, ezin da baimena bitan banatu. Jaiotza eta Adopzioagatiko Baimen Berdin eta Transferiezinen aldeko Plataformak proposatu du bi asteak beste noizbait hartzeko aukera egotea. Hartara, hamasei asteko amatasun baimena amaitutakoan hartzeko aukera izango lukete aitek eta “amaren gaineko presioa lasaituko litzateke; baimena luzatzen dutenean edo lanaldi murrizketak hartzean”.

Argazkiaren iturria hemen.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading