Quantcast
Guraso.eus

Jolasgunea: Asentzio, Elgetan (Gipuzkoa)

Elgetatik irten eta Arrasaterako bidean bidegurutze bat aurkituko dugu Intxortako Atea monumentua eta 1936ko fronteko lubakiak dauden inguruan. Autoa aparkalekuan utzi eta oinez egingo dugu Asentzioko putzurainoko bidea. Bertan, erretegiak, mahaiak eta iturria aurkituko ditugu. Gure Borda izeneko elkartea ere bai. Paraje zoragarria da. Bertatik Udalaitz eta Anboto ikus daitezke.

Asentzioko putzuan arrain gorriak daude eta ohikoa da jendea arrantzan ikustea. Amuan ogia jarri ohi da.

Asentzioko ermita ere inguruan da. Itxita egoten da. Maiatz erdialdera ospatu ohi dute Asentzio Eguna auzotarrek. Elgeta erdigunea Asentziotik hogei bat minutura dago oinez. Autoz, bost minutura. Bertan tabernak, hotela, frontoia… daude.

Inguru horretan daude baita ere 1936ko gerran oso garrantzitsua izandako Intxortako fronteko lubakiak. Bisita gidatuak eskaintzen dituzte gainera. Hemen informazio gehiago.

Fitxa osoa: jolasparkeak.eus

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading