Quantcast

Jolas proposamena: Nor da?

Herri eta hiriak haurrenak ere badirela aldarrikatzeko sortu zuen Txatxilipurdi elkarteak kalekantoi jolas bilduma. Bertatik ekarri dugu jolas proposamen hau.Nor da?

 

 

 

Azalpena:

Lagun bati begiak itxiko dizkiogu, zapi  batekin ahal bada, eta bi buelta emanaraziko diogu. Mahaira eramango dugu eta bertan begiak itxita dituela aulki baten aurrean utziko dugu. Eskuekin ukituz aulkian dagoen laguna nor den asmatu behar du! Eserita dagoen lagunari janzkera, ilea … aldatu diezaiokegu!

 Argazkietan:  Otxandioko  ludotekako haur eta hezitzaileekin egin genuen ” Nor da? “jolasa ludotekan.  Ongi pasa genuen mahai inguruan.

HELBURUA:

Konfiantza eta afektuzko kontaktu fisikoa lantzea.

Argazkiak:

1-Begiak itxi

2- arropak eta elementuak (diadema, buru zapiak, betaurrekoak…) aldatu

3-Aulkian jarri parez pare

4- Ukimenaren bidez asmatu, nor da?

5- bai asmatu duzu!

 

 

 

 

kalekantoi Egunerokotasunean hainbat egoeretan jolasteko jolasak batzen dituen bilduma da . Jolasak norberaren edo lagun taldearen gustura eta imajinaziora moldatzeko sortuak izan dira. Baita, espazio ezberdinek ematen dizkiguten aukera eta materialetara ere.

Herri eta hiriak haurrenak ere badirela aldarrikatzeko sortu zuen Txatxilipurdi elkarteak. Horregatik bultzatu nahi izan dituzte haurrak kalea bere egitera eta berain kasa bertan jolastera, Kale kantoiren hartzaile natural eta jolasaren protagonista izanik. Era berean, jolasaren indar sozializatzailea eta hezitzailea azpimarratu eta jarduera ludiko eta talde jolasaren bitartez zenbait gaitasun lantzeko baliagarria den tresna ere sortu dute.

Nahiz eta jolasen bilduma hau haurrentzat zuzenduta egon, helduen esku hartzea ere bultzatu nahi dute. Honetarako, irizpide eta aholku sorta ere prestatu dugu batez ere erabilera hezkidetzailea sustatu nahian.

Hezkidetza zergatik? Hain ohikoak diren sailkapen sexistak ekidin eta neska zein mutil izan jolasteko aukera guztiak eskainiz, haurrek euren identitate eta gaitasun sozialak askatasunean eraikitzeko besteak beste.

Hemen aurkitu dezkazu kalekantoiko  hezkidetza gida.

Liburuxka honek, guztira 41 jolas biltzen ditu, haurren egunerokotasunean oinarritutako 6 multzotan banatuak:

– Bidejolasean: etxetik eskolara bidean jolastekoak.
– Gora jaixak: herrietako jaiak dituzte iturri.
– Helduak poteoan ari dira: helduen poteo aspergarrietan umeek ere gozatu dezaten.
– Eta orain bazkaria: bazkari amaigabeetan jolastekoak.
– Bizi bete kalea!: kaleko izkina edo txoko ezberdinetara moldatutakoak.
– Amalurra ere gure lagun: naturak oparitzen dizkigun jolasak.

 

One thought on “Jolas proposamena: Nor da?

  1. Pingback: Zergaitik jolastu kalean? – Guraso.eus

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading