Garaion Naturartea irabazi asmorik gabeko elkartea da. Araban daude, Ozaetan. Bertatik, Arabari bereziki, eta Euskal Herri osoari, eskaintzen dizkiote beraien  ahalegin eta ametsa.

Egitasmo honen ezaugarri Nagusiak

  • Sortzailetasuna bultzatu nahi dute. Denok gara sortzaile, denok gara sorgin, horixe da etorkizun hobea eraikitzeko guztiok barruan dugun tresna.
  • Naturaren aldeko jarrera bultzatzen dute.
  • Harreman onak bultzatu nahi dituzte: emozioak aintzat hartzen dituztenak; sexualitatearen bizipen anitzak onartzen dituztenak; pertsona bakoitzaren ezaugarri partikularrak errespetatzen dituztenak; goxotasunetik eta errespetutik eraikitakoak; … Harreman zuzena eta humanismoa dira gure ardatzak.
  • Auzolana: jasotako ondarea, altxorra, dugu auzolana. Auzolana erabiltzen eta bultzatzen dugu. Auzolana sustatu nahi dugu jendartearen garapen osasuntsurako tresna gisa.
  • Identitate guztiak onartuz eta errespetatuz euskaldunak gara.
  • Feministak dira.
  • Elikadura burujabetza bultzatzen dute

Garaion egitasmoaren etxearen atzean Zumez egindako eraikuntzekin osatutako  jolaserako gunea aurkituko dugu. Zume bizia eta lehorra tartekatzen dira. Amona mantangorria, etxolatxoa, labirinto txiki bat… haur eta gurasoek gozatzeko moduko gunetxoa.

Jolasparkeak.eus atarian fitxa osoa.