Quantcast
Guraso.eus

Itxaro Mendizabal: “Zaindu egin behar dugu gure seme-alabei nola hitz egiten diegun”

Oporretarako joaten garenean harreman bereziak egiten ditugu eta Itxaro Mendizabalek oporretan ikusi eta entzundako familia baten komunikatzeko moduak zer pentsatua eman dio. Uste du zaindu egin beharko genukeela seme-alabei nola hitz egiten diegun.

Berak idatzitako artikulua hemen.

“Hasieran pentsatu nuen egun txarra eduki eta haserre egongo zirela, baina gero konturatu nintzen beraien komunikatzeko modua zela hori. Builaka, hitz itsusiak esaten… beti bestea umiliatzen bezala”, azaltzen du Mendizabalek. “Zer pentsatua eman zidan. Nik, esaterako, nola hitz egiten diedan nire alabei; izan ere, batzuetan ematen du nekatuta zaudenean eskubide gehiago duzula purrustadaka hitz egiteko edo adierazteko, eta ez soilik hitzez baizik eta baita ere gorputzez”.

Mendizabalek azaltzen du familia horretan hiru ume ziren, eta iruditu zitzaiola haur horiek oso integratuta zutela hitz egiteko modu hori. “Orduan pentsatzen duzu zuk zure umeei horrela hitz egiten badiezu eta ohitzen badira horretara normala ere bihurtu daitekeela hori horrela izatea. Eta nik ez dut nahi nire umeek beste batengandik horrelako tratua jasatea”.

Botere harremanetik berba

Mendizabalek adierazten du konturatuta dagoela bikotekideari ez diola alabei hitz egiten dien moduan hitz egiten. “Zergatik? Bikotekidea parean dagoelako, eta umeekin sentitzen dugulako eskubide gehiago dugula zorrotzago edo bortitzago jokatzeko. Eta besteek ez dute zertan gure neke hori jasan beharrik”.

Mendizabalen esanetan garrantzitsua da hitz egiteko modu hori ateratzen zaigunean konturatzea, eta horri bueltan ematen saiatu behar dugu.

“Konturatzen naiz egunero jasotzen baduzu horrelako tratua eta normalizatzen baduzu bikotea duzun momentuan tratu txarrak jasotzeko aukera gehiago dauzkazula; izan ere, zuretzako normala da besteek zu horrela tratatzea”.

Argazkiaren iturria hemen.

 


 

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading