Quantcast
Guraso.eus

Heather Shumaker: “Elkarbanatzera behartzea baino txandak errespetatzen irakatsi behar diegu umeei”

Heather Shumaker idazle estatubatuarra da eta hainbat dira heziketarekin edo hezkuntzarekin lotuta argitaratu dituen liburuak. It’s OK not to shareOndo dago ez elkarbanatzea— izenekoan dio sarri neska-mutikoak gauzak elkarbanatzera behartzen ditugula, eta helduok ez dugula gure gauzekin berdin jokatzen.

“Ume bat ez da berekoia erabiltzen ari den jostailua beste ume batek eskatu eta berehala ematen ez badio. Haur hori entretenituta dago une horretan eta ez du jostailu horrekin amaitu. Helduok gure umeen jolaserako eskubidea babestu beharko genuke eta erakutsi beharko genieke esaten ez duela oraindik jostailu horrekin amaitu”, azaltzen du Shumakerrek.

Idazlearen esanetan ume bati jostailu bat kentzea beste batek eskatu bezain pronto ez da mesedegarria ez batentzako ez bestearentzako. “Txandak errespetatzen ikastea garrantzitsua da; izan ere, ulertu behar dute saria jasotzea batzuetan atzeratu egiten dela. Ez dela beti berehalakoa”.

Shumakerrek gogorarazten du haur txikiak ez dutela elkarbanatzeko gaitasunik bai ordea txandak errespetatzen ikasteko gaitasuna. “Txandak errespetatzen ikastea eta zurea ere iritsiko dela ulertzeak ahaldundu egiten ditu umeak eta laguntzen die adeitasuna, kontzientzia eta eskuzabaltasun espontaneoa lantzen”.

 

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading