Quantcast
Guraso.eus

Gurasoen WhatsApp taldeetarako dekalogo edo arauak

 

Haurren gelako gurasoen WhatsApp taldeak ohiko bilakatu dira urte gutxitan. Talde hauen erabilgarritasuna ezin dugu ukatu kasu askotan, baina gaizki ulertuak eta erabilera ez txukunak ere ezagutuko zenituzten agian.  Irakurle batek  talde hauek arautzeko dekalogo eta arau zerrenda bategatik galdetu digu. Guk hau proposatu dugu. Lagunduko diguzue osatzen edo aldatzen??

Gelako ordezkariak arduratuko dira gelako whatsapp taldea sortzeaz edo eguneratzeaz; erabilera arduratsua egitea proposatzen da, hona hemen dekalogo proposamena.

  • 1-Ez erabili taldea  ikasle, irakasle edo ikastetxeko langileen inguruan kritikak egiteko. Ikastetxearekin harremanetarako  kanalak erabili eta eraikitzaie izan.
  • 2-Ez gehitu taldera kiderik aurrez taldean egon nahi duen galdetu gabe. Pertsona batzuek ez dute nahi taldeetan egotea eta beraien telefono zenbakia ere  partekatzen duzula kontutan izan. Ez da komeni guraso  edo ikasleen arduradunak ez diren pertsonak taldean sartzea.
  • 3-Taldean guretzako bakarrik den  erantzuna duten  galderak egiten baditugu “erantzun pribatutik mesedez” esaldia gehitu.
  • 4- Taldearentzat interesgarriak izan daitezkeen gaiak landu, ez erabili taldea bestelako zabalkundeetarako.
  • 5-Ez erabili ironiarik mezuetan (gaizki-ulertuak saihesteko ) eta ez ulertu isiltasunak errespetu falta moduan.
  • 6-Emotikonoen erabilerak mezuei laguntzen die baina ez pasatu hauen erabilerarekin! Ez erabili alferrikako ikonoak.
  • 7-Ikasleen, irakasleen edo beste gurasoen argazkiak ez partekatu. Ikastetxeek batzuetan beraien zabalkunde edo erabilerarako argazkiak erabiltzeko baimena eskatzen dute baina gurasoek ez dute beste  ikasleen argazkiak argitaratzeko baimenik.
  • 8-Ez konparatu haurrak. Bakoitzak bere erritmoa , behar eta egoerak ditu eta konparazioek min egin dezakete agian.
  • 9- Irakurri bi aldiz mezua argitaratu aurretik eta ez epaitu taldea uzten duen pertsona.
  • 10- Eraikitzaile izan hezkuntza proiektuarekin, eta taldean giro ona sustatu. “Eskerrik asko” eta “mesedez “ hitzek laguntzen dute.
  • 11- Talde honek euskarazko komunikazioa ahalbidetu nahi du. Saiatu gaitezen euskara erabiltzen. Komunikazioa ahalbidetzeko elebitan idatzi behar bada egin dezagun esfortzua!

3 thoughts on “Gurasoen WhatsApp taldeetarako dekalogo edo arauak

  1. Amaia

    Dekalogo polita!
    Agian hau gehituko nuke 12. Puntu bezala:
    « Ez izan jarrera ez egokien konplize. Dekalogoa hausten bada STOP eskatu ».

  2. Amaia

    Bestalde zalantza hau sortzen zait: gure ikastolan ez daude gela ordezkaririk. Zeintzu izan beharko liratezke administrariaren (edo administrarien) ardurak taldearen erabilpen egokia bermatzeko? Taldea sortu eta dekalogoa zabaltzearekin Nahiko? Edo beste ezer kontutan hartzeko? Zer uste duzue?
    Eskerrik asko.

  3. Ander

    Bikaina dekalogoa, eta arauak jartzearen proposamena. Alor bat gehituko nioke:
    WhatsApp-az gain, Telegram ere aipatzea. Zergatik?

    1) Euskaraz dago (komunitateak euskararatuta)
    2) Software librea da
    3) Taldeen kudeaketa aurreratuago bat ahalbidetzen du. Taldeetako partaideek ez dute beste gurasoen telefono zenbakia ikusten (pribatutasun, eta eskubide hau defendatzea interesgarria iruditzen zait), parte hartze mugak jarri daitezke (Pertsona bakoitzak X mezu, memeak/bideoak ez bidaltzeko araua…

    Beste arrazoi batzuk: http://telegram.eus/telegram/zer-da-telegram

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading