Quantcast
Guraso.eus

Gazteak komiki mundura gerturatzeko tailerra egingo dute irailean, Donostian

Komikiak beti erakarri izan du publiko gaztea, eta irailetik aurrera ikastaro berezia egingo dute Donostiako Tabakalerako Ubik-en. Bihar, zapatua, ibilbide berezia egingo dute euskarazko komikiaren sorrera ezagutzera emateko.

Udazkeneko ikastaroari dagokionean lehenengoa, 6-10 urte bitarteko umeei zuzenduta, gazteak komiki mundura gerturatzeko lantegia izango da, komikien pertsonaiekin, narrazioekin eta biñetekin jolas dezaten.

Bigarren tailerra Garbiñe Ubedak zuzenduko du eta eskola taldeekin egingo den lantegia da. Nork bere heroia definitzeko eta marrazteko lantegia izango da eta pertsonaiak zein ezaugarri dituzten aztertzeko. Topikoak, estereotipoak eta sinbologiaren garrantziaz arituko dira.

Sergio Garciak lantegi intentsiboa antolatuko du komikien egitura aztertzeko. Eta azkenik, Kike Infamek komiki eta arkitekturaren arteko lotura aztertzeko aukera bibliografikoa egingo du.

Argibide gehiago hemen.

Zapatuan ibilbide berezia Donostian

Donostian sortu zen euskarazko komikia, lehenik prentsak eta ondoren aldizkarietan. Lehen euskal komiki tira 1894an agertu zen. Ondoren etorri ziren Txistu (1927), Poxpolin (1935), Pan-pin (1960), Ipurbeltz (1978), Habeko mik (1982), Xabiroi (2005)…

Komikilabeak ibilbide berezia antolatu du zapaturako, uztailak 14. Taldea 12:00etan abiatuko da Komikigunetik eta bertan amaituko da ibilbidea 14:00eta. Hainbat bidelagunekin egingo dute ibilbide historikoa, artistikoa eta turistikoa. Gainera, hainbat bidelagun iragarri dituzte, esaterako euskal komikiaren historian aditua den Mikel Begoña, Unai Iturriaga bertsolari zein marrazkilaria, eta Ainara Azpiazu ‘Axpi’ zein Mikel Antero marrazkilariak.

 

 

 

 

 

 

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading