Quantcast

Eskolarako joan-etorria oinez, bizikletan edo patinetean egitearen onurak jaso dituzte Oñatin egindako bideo baten

Bagabiltz proiektuaren barruan eskolarako joan-etorria oinez, patinetean edo bizikletan egitea ona dela arrazoitzeko argudioak ematen dituzten Oñatin egindako bideoa batean. Hiru hiru ikastetxeek eta Oñatiko Udalak hartu dute parte bertan. Herriko puntuak lotzen dituen mapa ere atera dute. Distantziak ez direla uste bezain handiak ondorioztatu dute.

Elkar Hezi ikastetxeak, Urgain Herri Eskolak eta Arizmendi ikastolak bat egin dute ekimen honetan. Herriko irakasleek, gurasoek, ikasleek zein udal ordezkariek “herri atseginago” baten aldeko ekimen honetan elkartu dira. “Konturatu gara umeak biziago, aktiboago, datozela. Ingurumena zaintzeko modua ere bada, gainera”, dio Maite Aiastuik herriko irakasleen izenean. Lierni Axpe izan da gurasoen ordezkaria: “Gu ere horrela joaten ginen ikastolara, eta baita eskolatik etxera ere. Bizipen haiek egungo haurrek ere izatea gurako genuke”. Ikasleen izenean Aiert Alberdik hitz egin du bideoaren aurkezpenean: “Taldean, lagunekin joaten gara eskolara eta oso ondo pasatzen dugu elkarrekin. Gainera, kutsadura gutxiago sortzen dugu”.

‘Oinez’ mapa

Ikasleen laguntzarekin herriko gune batetik bestera zer distantzia dagoen neurtu duten, metrotan eta minutuetan, eta koloretako mapa batean jaso dituzte emaitzak. “Hor ikusten da distantziak ez direla handiak. Denbora gutxian hel zaitezke herriko edozein puntutara”, esan du Nerea Zubia hezkuntza zinegotziak.

 

 

 

 

 

 

Bideoa Interneten zintzilikatu dute eta zabaltzea nahi dute. Mapa herritarren eskura ipiniko dute laster.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading