Quantcast
Guraso.eus

Ausortu, 15 eta 19 urte bitarteko gazteei diziplina artistiko ezberdinetara hurbiltzeko

 AUSORTU Txatxilipurdi elkartearen eta Ttak taldearen eskutik,  15 eta 19 urte bitarteko gazteei diziplina artistiko ezberdinetara hurbiltzeko eta horietan trebatzeko eta sormena lantzeko jaio den egitasmoa da. Lehenengo edizio honetan lau diziplina artistiko aukeratu dituzte: arte plastikoak, ikus entzunezkoak, arte eszenikoak eta musika. Diziplina horiek lantzeko, egun bateko lau laborategi antolatu dituzte urria eta azaroa bitartean. Saio horietan, praktikatik eta lagunarteko giro atseginean diziplina bakoitzean barneratzeko aukera izango dute parte hartzen duten gazteek.

Saioen gidari Arrasateko, bailarako eta Euskal Herriko artista erreferenteak izango dira.

Arte plastikoen laborategia Helena Azkarragaurizar Jauregi eta Joana Manzisidor Akizu  arrasatearrek dinamizatuko dute urriaren 20an. Biek grafika, diseinua, graffitia eta ilustrazio lanak egiten dituzte bakarka zein taldean. ZIKINDU / AUKERATU / KALERA izenburua izango du beraiek gidatuko duten laborategiak.

Pintura eta marrazketa saioa, formatu handian eta taldean. Dinamika ezberdinen bitartez fondoak sortuko ditugu, kartel, fanzine eta pankartetarako lehengai original gisa erabiltzeko. Goizean, irudi abstraktu erraldoiak eraikiko ditugu: zikindu, probatu, materialen jokaera aprobetxatu … Arratsaldean, goizeko lana behatu, aukeratu eta material moduan erabiliko dugu diseinu lanak egiteko.

Urriaren 27an Ekaitz Filarmendi Urrutia eta Itziar Bastarrika Madinabeitiaren txanda izango da. Ekaitz eta Itziarrek argazkilari profesionalak dira eta egun argazkilaritzarekin eta ikus-entzunezko munduarekin lotutako hainbat esparrutan dihardute lanean.  ARGAZKIGINTZA ESTENOPEIKOAn ardaztutako tailerra eskainiko dute.

Inguratzen gaituzten kamera digital guztien (hasi telefono mugikorretatik eta argazki kamera profesionaletaraino) funtzionamenduaren oinarria zein den ulertaraziko digun teknika ezagutuko dugu: argazkigintza estenopeikoan.

Parte hartzaile bakoitzak bere kamera propioa sortuko du eta honekin argazkiak egingo ditu. Modu analogikoan egingo dugu prozesu hau: eskuz sortuko ditugu kamerak eta  laborategia erabiliko dugu egindako argazkiak errebelatzeko. Ondoren, lortutako emaitzak digitalizatu egingo ditugu modu digitalean erabili nahi dituenarentzat.

Kepa Errasti Gorroño aktorearekin arte eszenikoetara hurbilduko gara. Antzerkian, telebistan zein zineman hainbat aktore eta gidoilari lan egin ditu aretxabaletarrak. Azken urteotan antzerkian dihardu batez ere eta arazoaren 10ekoa antzerki tailerra izango da.

Antzerkiaren mundura gerturatuko gara aktore/sortzailearen lekutik. Aktorea bera sortzailea den neurrian istorio eta egoerak kontatzen saiatuko gara joko, inprobisazio eta ariketa ezberdinetatik abiatuta.

Izaro Andres Zelaieta musikaria izango da laugarren gonbidatua. Mallabiko musikariak 4 urte oparo daramatze ibilbide musikalean murgilduta eta bidaia hori oinarri hartuta MUSIKA SORMENAREN ABENTURARA BIDAIA tailerra gidatuko du azaroak 24ean.

Zertarako sortu, nola sortu, nola garatu, nola komunikatu, nola babestu, nola lan egin. Sortzaile bizitzaren egun onak eta egun gogorrak ezagutu. Musika sortzaileen babes sarea ezagutu, sortzaileekin eta beraien lanekin errespetuz nola harremandu ikasi, eta noski, norbere sormena zirikatu, eta bidea egin. 

Sormen laborategi hauek egun osoko lau saioz osatuta egongo dira, tailerrak goiz eta arratsaldez egingo ditugu eta tartean gazteek eta artistek elkarrekin bazkaltzeko aukera izango dute.

BALDINTZAK

15-19 urte arteko gazteak

Matrikula

saio bakarra 15 euro

lau saioak 50 euro

Plaza mugatuak: 20 pertsona gehienez

  • Izena emateko azken eguna, saioa baino aste bete lehenago
    • ZIKINDU/AUKERATU/KALERA àurriak 12
    • ARGAZKIGINTZA ESTENOPEIKOA àurriak 19
    • ANTZERKIAàazaroak 2
    • MUSIKA SORMENAREN ABENTURARA BIDAIAàazaroak 16

Ordutegia: 11:00-14:00 // 16:00-19:00

Tokia: Etxaluze eraikina

Bazkaria: Jai Zale tabernan bazkalduko dugu denok elkarrekin

IZENA EMATEKO: https://labur.eus/1l8Kx edo Txatxilipurdi (943795446) / AED (943771228)

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading