Quantcast
Guraso.eus

Amatasunaren intelektualizazioa

 

Amatasunaz eta haurren hezkuntzaz asko idazten da. Gaur egun hainbat eta hainbat informazio dugu honen inguruan eta teknologi berriekin guzti hau momentuan eskuragarri dugu. Alde horretatik irabazi dugu eta beraz, lehen ez genekizkien gauza asko orain badakizkigu eta egoera askotan lagungarriak egiten zaizkigu.

Guzti honek berriz, nire ustez, amatasuna intelektualizatu egiten du . Zer esan nahi dut?

Informazioa edukitzeak amatasuna judizioz ere inguratzen du. Burura eramaten gaitu, beraz denok dakigu nola egin behar duen besteak, nahiz eta gero gu galduta sentitzen garen momentu gehienenetan.  Zergatik gertatzen zaigu inkoherentzia hau?

Emozioetatik aldendu egiten garelako eta  amatasuna emozioetara jezteko momentua da, ez horrenbeste buruan egoteko. Beraz galduta ikusten gara. Segurtasun eza handia sentitzen dugu ez ditugulako gure emozioak ulertzen.

Ama izaterakoan, gure barruan emozioak gatazkan bizi dira. Gu ez gara orain arte izan garen bezalakoak. Bizi dugun guzti hori berria da guretzat. Hau guretzako gure burua ezagutzeko aukera izan daiteke, baina bestearekin ez dugunez partekatzen, pentsatzen dugu bakarrak garela eta gatazka guzti hori erruz bizi dugu. Ez dakizkigu emozio guzti hauek azaltzen guk ere ez ditugulako ulertzen. Beldurra ematen digu guztia kontatzeak besteak ez duela berdina bizi uste dugulako eta hau ez da horrela. Ama gehienek sentimendu berdintsuak ditugu.

Horretarako beharrezkoa iruditzen zait amatasunean laguntza emozionala izatea eta konkretuki talde laguntza emozionala. Ezin bestekoa da ama guztiok talde baten parte garela sentitzea. Taldean partekatzeak zera ematen digu:

  • Bestearekiko enpatia garatzen da, beraz berarekin bat jartzen gara, lagunduak sentituz.
  • Gu izateko aukera ematen digu, judizio gabe.
  • Guregan konfiantza berreskuratzen dugu, emozioekin konektatzen gaituelako.
  • Sostengu emozionala sentitzen dugu eta honek asko deskargatzen laguntzen gaitu.
  • Egoera erlatibizatzen ikasten dugu, besteek ere sentimendu parekoak dituztelako.
  • Gure burua baloratzen ikasten dugu, sentimenduak ezagutu eta baloratzen ditugulako.

 

Leire Etxezarraga

Leire Etxezarraga (Gizarte hezitzailea, Pedagogoa, Gestalt terapeuta, Orain (amatasuna konfiantzan bizitzea) enpresaren sortzailea eta hiru seme-alaben ama.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading