Quantcast
Guraso.eus

Eskola kirola ereduari buruzko gogoetak eta proposamenak

25 urte dira Eskola Kirola programak martxan jarri zirela Euskal Autonomia Erkidegoan. Eskola adineko haur guztiek kirola egiteko aukera izateko helburuarekin abiatu zen egitasmoa, baina gauzak asko aldatu dira 25 urteotan eta egitasmoak eguneratzeko duen beharraz mintzo dira eragile asko.

Hiru foru aldundiak hasita daude beraien lurraldeetako Eskola Kirola programei buruzko ebaluazioak egiten. Eusko Jaurlaritzak, berriz, abian du Kirol Lege berri bat sortzeko prozesua eta beste batzuen artean Eskola Kirolaren Lantaldea eratu du.

Gogoeta testuinguru horretan egin zen Eskola kirol ereduari buruzko gogoetak eta proposamenak delako jardunaldia. Arrasateko Polo Garaian egin zuten azaroaren 24an eta prest da bertako ondorioetatik Athlon erakundeak egindako txostena.

Ehun bat eragilek hartu zuten parte jardunaldian eta hiru lurraldeetako Eskola Kiroleko hausnarketak aurkezteaz gain, Eskola Kirolaren oinarrizkoak diren hamar gakori buruzko gogoeta egin zuten.

Hamar gai horiek dira: eskola kirola kontzeptua, eskola kirolaren adinak, osasuna, hezkuntzaren parte hartzea, ibilbideak, udalen parte hartzea, berdintasuna, inklusibitatea, finantzabideak eta arau hausteak.

Jasotako ekarpenen artean hainbat nabarmentzen dira:

. Eskola kirolaren adinak zabaltzeko eta eskaintza adinera egokitu beharra.

. Monitoreei zein prestakuntza eskatu behar zaien zehaztea.

. Programa hezitzaileak proposatzea.

. Udalen parte hartzeari garrantzia ematea eta lankidetza hitzarmenak egitea udalen, foru aldundiaren eta eragileen artean. Udalak, hain zuzen ere, koordinazio, antolaketa eta instalazioen erabileran gako izan daitezke.

. Berdintasunarekin lotuta betiko kirolak mantentzea baina beste eredu batekin. Horrekin batera emakumeak ahalduntzea eta arautegian ikusi araztea —epaileak, entrenatzaileak…—.

. Inklusibitatearen arloan programa bereziak sortzea behar bereziak dituzten umeentzako eta ziurtatzea monitoreek jasotako formazioa inklusioaren gaia lantzen dela.

. Eskola kirola programak finantzazio handiagoa behar du kalitate hobeko zerbitzuak eskaintzeko. Finantzazio hori, gainera, hobetu kudeatu behar da.

. Beharrezkoa da ikuskatzailearen figura sortzea.

Txostena osorik hemen.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading