Quantcast
Guraso.eus

‘Zeuk esan’, COVID-19aren ondorioei aurre egiteko zerbitzu telefonikoa

Ezohiko itxialdi honek gure bizimodua hankaz gora jarri du. Haurrentzat eta nerabeentzat ere erronka da, eta adin horietan ohikoak izaten diren gatazkak areagotu egin daitezke eta elkarbizitzan eragin.

Eusko Jaurlaritzak, COVID-19 birusaren ondorioei aurre egiteko, konfinamendu egoeran erabilgarria den Zeuk esan doako zerbitzua eskaintzen die haur eta familiei. Zeuk esan, haurrei eta nerabeei laguntzeko telefonoa, Euskal Autonomia Erkidegoko haurrei eta nerabeei orientazioa, aholkularitza edo informazioa emateko doako zerbitzua da. Zeuk Esan zerbitzuak, egoera zail honetan psikologo eta gizarte-hezitzaileekin hitz egiteko aukera eskaintzen die zerbitzua nahi dutenei eta guztiei deitu eta laguntza eskatzera bultzatu nahi diete: “Gazteen moduan, gurasoek ere jo dezakete egun hauetan Zeuk Esanera laguntza eske. Konfinamendurako gomendioak eta laguntza zerbitzuak ditugu denon eskura. Laguntza behar baduzue, eskatu!”, diote zerbitzutik.

Zeuk esan zerbitzua haurrek, nerabeek eta helduek erabil dezakete 116 111 zenbakira deituta. Doako deia da, anonimoa eta ez du fakturan arrastorik uzten. Email helbide bat ere badute, eta sare sozialetatik (Instagram, Facebook eta Twitter) ere erantzuten dute. Zerbitzuaren ordutegia astelehenetik ostiralera 9:00etaik 21:00etara da. Larunbat, igande eta jai egunetan 12:00etatik 20:00etara.

Informazio gehiago hemen.

Argazkiaren iturria hemen.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading