Quantcast
Guraso.eus

Mailuak, iltzeak eta zerrak jolaserako… zer iruditzen zaizu jolas parke eredu hau?

Berezia da New York hiriko Gobernors Island uharte ospetsuan (AEB) sortu duten neska-mutikoentzako jolas parkea. Udaberri honetan zabaldu dute txatarra biltegi izandako 1.500 metro koadroko orube batean, eta esperimentazio gune moduan aurkezten dute.

captura-de-pantalla-2016-10-05-a-las-13-09-50

Ez da ohiko jolas parkea. Gurasoei gomendatzen diete ez sartzeko umeak askatasunez ibiltzeko, eta jolaserako dagoen materiala egur oholak, kartoiak, gurpil zaharrak, oihal zatiak edo belar piloak dira. Horrekin batera, eraikuntza lanetarako askotariko erremintak daude neska-mutikoen eskura: mailuak, iltzeak, zerrak, kola, pintura, klarionak, ura…

Gaur egungo gurasoek ezartzen duten gehiegizko babesarekin kezkatuta sortu dute jolas parkea. Hiru arduradun ditu, baina umeek laguntza eskatzen dutenean bakarrik esku hartzen dute haien jardueran. Jacklyn Katz da bultzatzaileetako bat: “Sortzen utziz gero umeek sekulako gauza interesgarriak egiten dituzte”, dio. Sorkuntza eta umeen independentzia bultzatu gura dituzte proiektu honekin. “Egia da zenbait gurasori jolas parke kontzeptu hau zaila egiten zaiela”.

Irabazi asmorik gabeko egitasmoa da eta crowdfunding sistema bidez lortu dute finantzazioa, 25.000 dolar oraingoz.

Jolas parkearen berri emanez sare sozialetan zabaldutako bideo honek zabalkunde handia izan du egun gutxitan.

Informazio gehiago hemen (ingelesez)

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading