Quantcast
Guraso.eus

Campus eta udaleku teknologikoak uda honetan Gipuzkoan

Gipuzkoako Foru Aldundiaren ekimena dira bai campus teknologikoa eta bai udalekua. Horiekin batera Gazteriako zuzendari Goizane Alvarezek Udabizi aurkeztu du. Udan aisiarekin lotuta gazteentzako antolatutako ekintzen bilduma egingo dute bertan familiei informazio ahalik eta osatuena eskaintzeko.  Bertan informazio ugari aurkituko dute interesatuek: udaleku irekiak, udaleku itxiak eta kanpalekuak, auzolandegiak, lankidetza eta elkartasun bidaiak, begiraleen lan-eskaintzak…

 

 

 

 

 

 

 

Campus teknologikoa

Irudien programazioa, Scratch programazioa, Lego robotika, bideo-jokoen programazioa, argazki edizioa, bideo edizioa, 3D animazioa eta web programazioa… hainbat ikastaro diseinatu dituzte eta saioak Orona Ideon (Hernani) izango dira. Campusak bi asteko iraupena izango du —uztailaren 3tik 14ra—, baina gazteek astebetez hartuko du parte.

Izen-ematea zabalik da eta bi prezio daude ordutegiaren arabera: 210 euro goizeko eta arratsaldeko txandetarako (09:30-16:30), eta 150 euro goizeko txandarako (09:30-13:30). Guraso bakarreko familiek, familia ugariek, diru sarrerak bermatzeko errenta nahiz gizarte larrialdiko laguntza jasotzen duten familiek eta langabezia egoeran daudenek beka eskatzeko aukera izango dute.

Autobus zerbitzua izango dela adierazi dute foru arduradunek. Arrasatetik, Eibartik, Irundik eta Beasaindik abiatuko dira autobusak eta geldialdiak egingo dituzte lurraldeko beste zenbait udalerritan.

Udaleku teknologikoa

Udaleku teknologikoak Hondarribiko aterpetxean egingo dituzte uztailean eta abuztuan 8-16 urte arteko gazteentzako. Euskaraz eta ingelesez programatzen ikasteko aukera izango dute bertan. Hemen ere bi txanda izango dira eta zabalik da izen-ematea.

Uztailaren 16tik 22ra, 8-12 urte bitarteko gazteentzako egingo dute udalekua. Scratch eta bideo-joko programazioa zein minecraft eta robotika tailerrak egingo dituzte. Bigarren txanda 13-16 urte arteko gazteentzako izango da eta abuztuaren 20tik 26ra egingo dute. Kasu honetan  jokoen programazioa, minecraft eta robotika tailerrak eskainiko dituzte.

Ikastaroaren prezioa da 250 euro. Kasu honetan ere diru-laguntzak daude aurreikusita.

Informazio gehiago hemen.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading