Potx eta Lotx pailazoek sarean jarri dute denentzako ikusgai ‘Etxean’ azken ikuskizuna. YouTubeko Algaraz ikuskizunak kanalean zintzilikatuko dute, etxetik irten gabe ondo pasatzeko. Urretxuko Labeaga aretoan grabatu zuten ikuskizuna 2020ko otsaiaren 16an.

Pailazoen ustez etxetik irten gabe ere umoreaz gozatu daiteke eta hori da hain zuzen, ikuskizunean erakusten dutena.

Etxean ikuskizuna osasun alerta egoera sortu aurretik prestatutako ikuskizuna da. Ordu eta hamabi bat minutuko iraupena du eta adin guztietako neska-mutikoei zuzenduta dago.

Gaur egungo gizarte helburua beti da ez aspertzea da, baina aspertzeak sortzera eramaten gaitu, beraz, ez dago aspertzea baino opari hobeagorik”, dio Potx pailazoak. “Eta garrantzitsua da bizi dugun egoera xelebre honetan ere barre egitea”, gaineratzen du Lotx pailazoak. “Orain hau tokatzen zaigu bizitzea, eta hau bizi behar dugu. Ahalik eta arinen eramateko barrea baino hobeagorik ez dago”.