Quantcast
Guraso.eus

ORAIN diskoa argitaratu berri du Hik Hasik.

Musika-ikasketak egiten ari zela, yogarako zaletasunak harrapatu zuen Marina Pintos piano-jotzailea. Bi diziplina horiek landu ditu azken hogei urteotan. Gaur egun, eskolaz eskola dabil irundarra, yoga egiteak dakartzan onurak partekatu nahian. Eskarmentua abiapuntu hartuta, ­haurrak eta irakasleak trebatzen dihardu, yogaren bidez besteak beste erlaxatzen eta arreta lantzen ikas ­dezaten.

Asana edo jarrera fisikoen bitartez gure gorputza sentitu, lasaitu, indartu, energia harmonikoki mugitu, adimena lasaitu eta kontzentratzen irakatsiko du Marina Pintosek hainbat ikastarotan. Ibilbide luzea egin du irakasleei nahiz haurrei yoga irakasten.

Orain, ORAIN diskoa argitaratu berri du Hik Hasik. Izan ere, irakasleei eskaintzen zaizkien ikastaroetan euskarazko ariketa grabatuen hutsunea ikusi baita.

Marinak hezitzaileekin eta ikasleekin lan handia egin badu ere, disko hau edozein pertsonarentzat da erabilgarri, oraina konszienteki bizitzen ikasi nahi izatea eskatzen du soil-soilik. Inguruko haurrekin erabiltzera gonbidatzen gaitu; hezitzailea bazara, eskolan, aisialdian zein etxean. Eskola garaian oso aproposak dira saio baten hasieran lantzeko. Etxean, berriz, egunaren amaieran erabiltzea da gomendagarria. Azkeneko lau piezak instrumentalak dira, zure ahotsaz ariketak asmatu, egokitu eta zuzendu ditzazun.

Marinarekin hitz egin genuen diskoaren inguruan..


 

 

Utzi erantzuna

Zure e-posta helbidea ez da argitaratuko. Beharrezko eremuak * markatuta daude