Quantcast
Guraso.eus

Neska-mutikoentzako eskaintza zabala, aste bukaeran, Puntaik Punta jaialdian

Kanpokoei eta bertakoei eskualdeak dituen natura, ibilbideak eta bestelako turismo aukerak erakusteko asmoarekin sortu zuen orain dela lau urte Puntaik Punta jaialdia Debagoieneko Mankomunitateak.

Aurten, Eskoriatza izango da jaiaren erdigune . “Euskal Herri osotik ari dira ekintzetan parte hartzeko deika, eta Estatutik ere bai; oso pozgarria da hori guretzat”, adierazi du Eskoriatzako alkate eta Mankomunitateko Garapen eta Turismo Saileko presidente Jose Ramon Zubizarretak.

Ekintza ugari daude iragarrita eta horietako asko neska-mutikoei zuzendutakoak dira. Mendi irteerak, tailerrak, haurrentzako ikuskizunak, hegaztien behaketak, orientazio probak, Erdi Aroko jolasak…

Ekintza guztiak doan dira, baina ikastaroak eta tailerrek kopuru mugatua dute; aurrez izena emateko 943 79 64 63 telefonora deitu behar da edo puntaikpunta@debagoiena.eus helbidera idatzi behar da.

Jaialdiaren egitaraua eta informazio gehiago hemen.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading