Quantcast
Guraso.eus

Natura jolasean, Arrasaten.

Txatxilipurdi, Leintz Eskola Kirola, Besaide M.E eta Gaztetxeko Haur zein Guraso Asanbladarekin batera NATURAN JOLASEAN jaialdia antolatu dute maiatzaren 18rako.

Hainbat ikerketek  erakusten dute, gaur egungo haurrek eta familiek natura behar dutela. Gero eta kontaktu txikiagoa eta azalekoagoa dugu naturarekin eta joera honek eragin kaltegarriak ditu gure haur eta familiengan. Natura ordezkorik ez duen osasun, ongizate, ikasketa eta sormen iturri agorrezina da. Interakzio zuzena funtsezkoa da zentzumenen eta adimenaren garapenerako; baita garapen sozial eta afektibitatearentzako ere.

Honetaz jabetuta eta gai honekiko Txatxilipurdi elkarteak azken urteotan hartutako konpromisoari jarraiki (besteak beste, Heike Freireren “Educar en verde” liburua euskarara itzuli eta argitaratu zuten  2015ean, BERDEAN HEZI) jaialdi honen laugarren edizioa antolatu dute.

Eguneko egitaraua aurrera eramateko aukeratutako espazio zentrala Monterron izango da. Naturgune hau aukeratu dute herritik gertu egon eta haurrak, gazteak zein familiak bertara gerturatzeko erraztasun handia izan dezaketela uste duten  arren, arrasatearrok gutxi erabiltzen dutel uste dutelako.

Hala ere, goizean burutuko dugten dinamikak herriko beste natur espazio batzuk ere gurutzatuko ditu.

Honakoa da maiatzaren 18rako proposatzen duten egitaraua:

  • 10:30-12.30 bitarte NATUR GINKANA – Herriko Plazan hasita Santa Barbara parkean burutuko da. Ginkanaren helburua jolasa medio, Arrasateko espazio naturalak jolaserako baliatzea izango da. Gynkana hau Leintz Eskola Kirola, Besaide M.E. eta Txatxilipurdiren artean dinamizatuko dugu.
  • 15:00etatik aurrera JOLAS LIBRE ESPONTANEOA – Monterronek eskaintzen duen espazio naturala aprobetxatuz eta bestelako material natural batzuk gehituta jolas libre eta espontaneoaz gozatzeko aukera izango da bertan.
  • 16.00etan OIHAL AKROBAZIA TAILERRA –  Bostak eta laurden taldeko kideen laguntzarekin oihalekin esperimentatu ahalko da.
  • 17:30etan BIODANTZA TAILERRA – Elen Kortaxarenak gidatutako biodantza saioan parte hartzeko aukera egongo da.
  • 18:30etan kontzertu akustikoa – Olatz Urkia eta bere ikasleen eskutik jasoko dugun kontzertuarekin emango diogu amaiera jaialdiari.

 

Egitarau honekin haur, gaztetxo zein helduak naturgunean jolasean jartzea da asmoa.  Aurretik aipatu bezala, natura pertsonon garapen integralerako iturri agortezina delako eta berau zaindu eta maitatzen jarraitzeaz gain, beronekin dugun harremana berreskuratu behar dugulako.

Egitarau honek haur, gaztetxo zein helduen beharrak asetzea du helburu. Behar anitzak dira gaur egun ditugunak eta horiek naturarekin harremanetan asetzeko egitaraua osatu dute; jolasa, hausnarketa, gozamena, sormena, emozioak … denak uztartzeko parada izango da.

 

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading