Quantcast
Guraso.eus

Muxuak

 

Eres mama aldizkari digitalean irakurri dugu.” Ez behartu haurrei muxuak ematera, afektua ez da inposatzen. “

Muxuak gure kortesiazko ekintzak dira, oso ohikoak eta askotan zalantzan ere jartzen ez ditugunak. Muxuen bidez agurtzen gara eta bi muxu emanaz esaten dugu kaixo askotan. Txikienei  ere kortesiazko arau ez idatzi hauetan trebatzen saiatzen gara gurasook. Eman muxu bat… badoa eta…”

Baina haur askorentzat ez dira momentu goxoak, behartuta senti daitezke. Ez dute nahi, ez dute muxuak ematea nahi, ez dute kontakturik nahi…

muxuak_1024x576_foto610x342

Eta ze mezu transmititzen diegu,  haurrak muxuak ematera behartzen baditugu??

Aipatutako  artikuluan   aipatzen da: haurrak pentsatuko duela  gorputza ez dela berea, ez duela berak agintzen, eta afektuzko  adierazpenak egin beharko dituela sentitu edo ez.

Bestalde haurrak pentsa lezake  berak ez duela ahotsik eta helduek esaten dutena egin beharko duela bere nahiak eta desioak kontutan izan gabe. Eta honek arriskutsua dirudi.

Guraso.eus eko kolaboratzaile den Nahia Alkortak idatzi zuen,  Baimena eskatu…beti!  Artikuluan, txiki txikitatik hasi behar garela baimena eskatzen  haurrari ukitzeko, bere gorputza berea dela nabarmentzeko.

“jaiotzen diren une beretik hasi beharko genuke kontzientzia hori sortzen: hau da zure gorputza, hemen hasten da, hemendik jarraitzen du eta hemen amaitzen da, eta ukitu behar zaizun aldiro, baimena eskatuko dizut eta zure ezezkoa errespetatuko dut. Sarri inozokeria iruditu ohi zaigu, 2 egun, 3 hilabete edo urtebete duen haurrari pixoihala aldatzeko baimena eskatzea, baina uste duguna baina garrantzitsuagoa izan daiteke.”

Oraindik guraso asko daude pentsatzen dutenak  haurrak beraien jabegoa direla (Iñaki Kasaresek idatzi zuen honen inguruan artikulu interesgarria, Nire alaba ez da neurea) eta kortesia zuzenaren izenean behartu ditzaketela haurrak. Baina argi izan beharko genuke, haurrak ez direla gure jabegoa gure erantzukizuna baizik, honegatik  onartu eta errespetatu beharko genuke beraien erabakia.

Proposamen bat

Erakutsi diezaiegun haurrei kortesiazko arauak gu geu eredu izaten, ez behartzen, eta utzi diezaiegun beraiei erabakitzen noiz eta nori eman muxuak. Eta muxurik eman edo jaso nahi ez badu, egin diezaiogun proposamen sinple bat; eskua ematea!  Kortesiazko ekintza hau ez da horren deserosoa eta bere funtzioa betetzen du.

 

muxurik-nahi

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading