Zakilarekin jaio eta neska den hartz baten ipuina

Zer esana ematen ari da Estatu Batuetan Teddy hartzaren ipuina. Liburuaren izenburua da ‘Introducing Teddy ‘ eta Jassica Waltonek idatzi du. Hartz transexual baten istorioa kontatzen du.

2016ko ekainean argitaratuko dute ipuina, eta diru-bilketa kanpaina egin dute horretarako. 20.000 dolar baino gehiago lortu dituzte. Ipuinean, Teddy hartza eta Errol mutikotxoa lagunak dira. Jolasparkera joateko plana egiten dute maiz, eta egun batean Teddy hartzak aitortzen dio Erroli zakila izan arren neska dela. Hortik abiatuta Teddyren bizipenak, ingurukoen jarrera, lagunaren babesa… jasotzen ditu ipuinak.

Bizipen pertsonal batetik abiatuta idatzi du Jassica Waltonek ‘Introducing Teddy’. Aitak egun batean emakume dela esan zien, eta Waltonek ipuin bat nahi zuen seme txikiak ulertzeko zergatik aitona orain amona zen. Aurkitu ez eta berak idaztea erabaki zuen. Dougal Macpherson ilustratzaileak egin ditu marrazkiak.

Informazio gehiago hemen.