Bergaran estreinatu zuten Musikarium ikuskizuna, Oihan Vegak eta Xabier Zabalak umeentzako prestaturiko ikuskizun didaktiko berria.

Musikarium ikuskizunak munduan zehar eramaten ditu ikusleak, kontinentez kontinente. Munduan barrena egindako laguntxoen bitartez herrialde horietako musika eta instrumentuak ezagutzeko aukera eskaintzen dute. Haurrak modu didaktiko eta pedagogiko baten bitartez musikaren mundura hurbildu dituzte.

Eskarmentu handiko musikariekin egindako emanaldia da. Oihan Vegak egin du gidoia eta Xabier Zabalak konposatu ditu doinuak.

Estreinaldia Bergaran izan da, baina Euskal Herrian zehar eskaintzeko ikuskizuna da Musikarium.