Quantcast
Guraso.eus

MeitaiMaitieko lagunei elkarrizketa

Guraso.eus proiektuan gurasotasuna euskaraz lantzen duten egitasmo eta elkarte ezberdinak ezagutu eta ezagutarazi nahi ditugu. MeitaiMaitie beharretatik abiatu eta poliki-poliki handituz Joan den egitasmoa da. Denda, tailerrak, kolaboratzaile sarea, blog interesgarria… Peru, Dina, Adur, Ander eta Gloria aurkitu ditugu egitasmoaren atzean. Elkarrizketa egin diegu MeitaiMaitie hobeto ulertzeko.

IMG_1143

Nola eta zergatik abiatu zinaten MetaiMaitie proiektuan?

MeitaiMaitie proiektua beharretatik sortu genuen zerbait da. Anderrek eta biok, amatasun-aitatasun urtetan izan ditugun beharrei erantzuten joan den proiektu bizi bat da. Bizia, beti aldatzen ari den proiektua delako.
2007ko Maiatzean, gure lehen semea Peru izan genuen. Ez genuen hura jaio arte inongo informazio gose berezirik izan.
Baino gure amatasun-aitatasuna ez genuen oso ondo hasi, eta bertan sortu zitzaizkigun, edo gure azalean sentitu genituen beharretatik joan gara gure bidea sortzen. Inoiz ez diegu modei kasu egin gai hauetan, gure azalean sentitu ditugun beharrei baizik.
Ez ginen ez Estivill aldekoak ezta kontrakoak Peru jaio haurretik. Ez ginen haurra eramatekoak eta ezta ere kontrakoak. Ez ginen titiaren aldekoak eta ezta ere kontrakoak. Ez ginen erditze naturalaren aldeko eta ezta ere zesarearen aldeko.
Baino benetako momentua iritsi zenean, sentitu genuen, nahiago izango genuela erditze naturala izan balitz, nahiago genuela berarekin lo egin, nahiago genuela gainean eraman, titia eman izan banio, eta abar luze bat.

Eta dagoeneko 8 urteko prozesu honetan, sentitzen duguna joan gera egiten eta sortzen, geratu gabe beti bidea eginez, beti biok batera, beti 50-50, biok garelako proiektu honen parte, askori harritu arren Ander parte izatea, eta honek bidean pertsona zoragarriak ezagutzera eraman gaitu beti…
Zesareatik etxean erditzera
Edoskitze artifizialetik 3 urtearteko edoskitzera
Haur aulkitxotik, haur aulkitxo eta ume-eramaileetara…. haurrekin lo egitera, gure Giza Biografia osatzera Laura Gutmanekin, Baby Led Weaning-era…

Denda da zuena, baina denda baino gehiago ere bai. Haziera modu baten aldeko proiektua duzue. Zeintzuk dira bultzatzen dituzuen hazieraren oinarriak?

Gipuzkoako ume-eramaileetan eta pixoihaletan espezializatutako denda bakarra gara, baino gukonline denda eta denda fisikoa ditugu, bigarren hau Zarautzen.
Gure dendan ez dago produkturik guk erabiltzen ez dugunik edo erabili ez dugunik. Gure dendara guk gure 3 haurren hazieran behar izan ditugun produktuak bakarrik saltzen ditugu.
Eta bestetik, diozun moduan, haziera eta bizitzeko modu ezberdin baten aldeko gera, baino beti ere modatik kanpo, gure barruan sentitutako beharretik!
Eta haziaren zati hau betetzeko, beti profesionaletara jo izan dugu, inork ezin duelako denean jakitun eta aditu izan.
Gainera Anderrek eta biok gure lanbideak ere baditugu, proiektu honetaz aparte, nahiz eta orain Ander eszedentziaz etxean egon haurrekin.
Horregatik gure proiektuaren barruan emaginak, fisioterapeutak, dietistak, osteopatak, psikologoak, ginekologoak, pediatrak, homeopatak, etab. ditugu. Proiektu osatu, serio eta profesional bat sortuaz. Baino beti gure beharretik sortu izan direnak. Eta beti lagun artean.
Eta zatia garrantzitsua ere hemen bada, kontaktuena litzateke, jende asko hurbiltzen da gurera, bai dendan bertan edo Internet bidez laguntza eske.Informazioa behar duelako, arazo bat duelako, galdua dagoelako, etab. Eta hau da ere gure lan handietako bat, “deribatzearena”. Profesional sare handi batekin lan egiten dugunez, ama bat edoskitzeko arazoekin badator, beti dugu emagin bat edo gehiago nora bidali, edo erditzeko arazo bat, edo min bat, edo indukzio aukera bat… Eta hau jendeak asko asko eskertzen duen lan bat da. Harreman estuak lortu ditugulako profesional askorekin.
Nahiz eta Internet asko erabiltzen dugun bide bat den, gure webgunea, Facebooka eta Instragrama, gure harremantzeko era zuzenekoa da, pertsonala, horregatik ere etorri zen denda fisikoa sortzeko pausua. Zuzeneko zerbitzu bat nahi dugulako, sareak informaziorako, solasaldirako, bizipozerako… mezu positiboak, alaiak eta graziosoak partekatzen saiatzen baikara.

Merkatu itzela dago hazkuntzaren alorrean. Askotan gurasoak absurdoraino eramaten gaituen merkatua da gainera. Nola bizi duzue merkatuarekin harremana?

Guk gurea egiten dugu, ez gera oso “merkatuaren barne” sentitzen, nahiz eta denda fisikoa jartzea pausu handi bat izan den bide horretan…
Baino halaxe da bai, eta askotan “behar faltsuak” sortzeaz bizi direnak badira ere…
Baino lehen esan dugun moduan, gure dendan ez dago guk erabili ez dugun ezer… eta gure hitzaldietan eta tailerretan ere, ez dago gure filosofian sartuko ez litzatekeen ezer.
Askotan Ander eta biok kontziente gera gauza “anti-komertzialak” egiten ditugula, baino oso fidelak gera gure printzipioei, nahiz eta askotan horrela diru gutxiago irabazi.

Bi gauza daudela esango genuke, bata behar ez diren produktu gehiegi eta tentagarriegiak, oso prestatuta dago dena erakargarri izateko erosteko, eta bestetik, informazio desegoki asko ere.
Bai edoskitzearen inguruan, erditzearen inguruan… Gehien bat ume-eramaileen munduan. Ergonomia eta postura errespetatzen ez duten ume-eramaile asko dago, eta dirua ateratze arren, askotan edozer gauza saltzen da. Eta haurren ergonomia eta fisiologiaz ari gera.

IMG_1144

Kolaboratzaile harreman sare polita osatu duzue, tailerrak antolatu, elkarrizketak…  Zein da kolaboratzaile hauek zuen proiektuan duten parte hartzea?

Kolaboratzaile ezberdinak ditugu… Elkarlana da denon oinarria… Batzuen kasuan zuzeneko lana da, hau da gure dendan kontsulta izaten dute: Alazne Apalantza adibidez, Fisio Obstetrikoak, erditze aurreko taldeak ditugu gure dendan, eta kontsulta ere pasatzen du. Dietistek ere kontsulta pasatzen dute, etab.
Beste batzuek tailerrak ematen dituzte gurean: Amane Emaginak, Magale Emaginak, Dietistak, Psikologoak, etab.
Beste batzuetan gu joaten gera besteengana tailerrak ematera: Gipuzkoako hainbat anbulatoriotan ume-eramaile tailerrak ematen ditugu, Goxatun edoskitzearen inguruko tailerra izan genuen…
Batzuetan ere deribazio lana da. Hau da, ama batek edoskitzearekin arazoak baditu, emaginari deribatzen diogu, arazo konkretu horretan espezialista den emagina. Beste arazoekin berdin, behar izanez gero ginekologo konkretu batetara bidaltzen dugu, edo osteopatara…
Egoeraren eta gaiaren araberakoak dira elkarlanak.

Azken urte hauetan guraso askoren kezkak eta zalantzak entzun dituzue. Zeintzuk dira zuen ustez gurasook ditugun behar nagusiak?

Ume-eramaileen gaia da gehien lantzen dugunetako bat, eta honen inguruankontsulta asko asko ditugu, askotan informazio kontrajarria ematen delako, eta gurasoei inseguridade asko sortzen die honek. Eta guk gai hau presentzialkijorratzea, denda fisikoan, bertan ume-eramailea probatzea, ikustea, guentzutea izaten dute gustukoen.
Edoskitzeko arazo asko deribatzen ditugu ere, geroz eta gehiago ikusten dugu amek titia eman nahi dutela, baino bidean arazoak ere topatzen dituzte.
Azken aldian ere, gai garrantzitsu bat erditze aurreko ikastarokoa da ere. Minari nola aurre egin, nola izan erditze kontzienteago bat…
Eta gehien eskertzen dutena gure ustez presentzia hori da, sareetan informazio asko dago, gai asko daude, baino azken erabakiak hartzeko, eta erosteko, gehien bat, dendara jotzen duela jendeak ikusten dugu, guraso berrietan batik bat. Aurpegia jarri nahi diote aholkuari, nora jo jakin…

Etorkizunera begira jarriz gero, zeintzuk diraMeitaiMaitiek dituen erronka nagusiak?

Ba egia esan ez dugu momentuz helburu jakin bat jarria. Lanean jarraitzea, eta duela urtebeteko martxari berriro ere heltzea.
Duela 9 bat hilabete Adur, gure hirugarren semea jaio zen, eta hau dela eta, gauza batzuen erritmoa jaitsi genuen, familiari behar duen atentzioa eskaintzeko… Orain pixkanaka berriro tailer gehiago ematen hasi gera, eta gaietan berriro ere sartzen.
MeitaiMaitieren bidea ere, pixkanaka egiten joan garen, eta egiten ari garen bide bat da. Bizian, bidean topatzen dugun jendearekin, gaiekin, gure biziaren erreflexu bat da. Beraz, ez dugu MeitaiMaitie helburuz sortzen, edo horrelako pausoez… Beti irekiak gaude jende, proposamen, ideia, elkarrizketa honi bezalaxe eta duela urte batzuk Gurasolandiako jardunaldietan hitzaldia ematearibezala…

Biziak proposamenak eskaintzen dizkigu, eta guk hauek onartzen ditugu.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading