Quantcast
Guraso.eus

Lehen sorospenak: Sukarrak eragindako konbultsioak

 

 

SINTOMAK

 

Ume osasuntsuetan sukarrak garunean eragiten duen erantzuna.
Gehienetan sukarraren lehen sintoma da, eta eperik arriskutsuena 6 hilabetetik 5 urtera
bitartekoa da.

Konorte-galera. Gorputza oso biguna edo zurrun-zurruna geratzen zaio.
Dardarka hasten da.
Ahoa indarrez itxita egoten da.
Begirada galdua.
Iraupena orokorrean 5 minutu baino gutxiago izaten da eta, ondoren, umea lo geratzen da.

ZER EGIN

Jarri umea etzanda arnasa hobeto hartzeko.
Inguruan dauden gauzak urrundu mina har ez dezan.
Ez sartu ezer ahotik.
Parazetamola duen supositorioa jarri sukarra jaisteko.
Medikuarengana eraman diagnostikoa egiaztatzeko.

GOGORATU

Sukarrak eragindako konbultsioek pronostiko oso ona dute.
Konbultsioaren ostean, umeak lehen zeukan osasun-egoera  berdina mantenduko du.
Sukarra eragiten duen edozein infekzio arruntek eragin dezake konbultsioa.
Konbultsio hauek nahiko ohikoak dira (% 3-5), eta hiru umetatik batek beste konbultsio bat edukiko du.

Gehienetan ez da proba berezirik behar diagnostikoa egiaztatzeko.

Joseba Landa pediatrari gaiaz egindako elkarrizketa.

 

Lehen sorospenei buruzko gidaliburua argitaratu zuten 2008. urtean Donostia Ospitaleko Pediatria Zerbitzuko mediku egoiliarrek.  Gida  honen helburu nagusia  gurasoei ume gaixoaren edo istripua izan duenaren ondoeza edo mina arintzeko informazio baliagarria eskaintzea izan zen. medikua ordezteko asmorik izan gabe. Hori horrela, medikuarengana joan bitartean, haurrak dituzten guraso guztiek egoera arrunt, urgente eta/edo larrien aurrean baliagarriak diren prozedurak azaltzen dira.

Guk, gida guraso.eus-era ekarriko dugu atalez atal  interesgarri izan daitekeelakoan.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude