Quantcast
Guraso.eus

Lehen sorospenak: Gorputz arrotzak, belarrietan, sudurrean eta begietan

BELARRIETAN

 

Ez saiatu gorputz arrotza orratz edo antzeko objektu batekin ateratzen, tinpanoa zulatu baitaiteke.
Gorputz arrotza biziduna bada (euliak…), olio-tanta batzuekin itotzen saiatu.
Hostoak, lekak… denborarekin puztu egin daitezke; uzkurtzeko alkohol-tantak erabili.
Beste kasuetan, xiringa baten bidez urarekin bultzatzen saiatu, presio handirik egin gabe.
Gorputz arrotza irteten ez bada, osasun-zentrora joan.
Kaltetuak belarriko infekzioak maiz izaten baditu, ez da komeni belarrian likidorik botatzea (tinpanoa zulatuta egon daiteke-eta).


SUDURREAN

Zintz eginez kanporatzen saiatu, kontrako sudur-zuloa estaliz.
Gorputz arrotza kanporatzeko ez erabili beste objekturik, barrurago bultzatzeko arriskua baitago.
Kanporatzen ez bada, osasun-zentrora joan.

BEGIETAN

Kornean zauria eragiteko arriskua dago.
Lehen pausoa begiak urarekin garbitzea da eta gorputz arrotza kanporatzen ez bada, bi begiak estali (mugimenduak murrizteko) eta osasun-zentrora joan.

 

 

 

 

 

 

 

 

 

 

 

Lehen sorospenei buruzko gidaliburua argitaratu zuten 2008. urtean Donostia Ospitaleko Pediatria Zerbitzuko mediku egoiliarrek.  Gida  honen helburu nagusia  gurasoei ume gaixoaren edo istripua izan duenaren ondoeza edo mina arintzeko informazio baliagarria eskaintzea izan zen. medikua ordezteko asmorik izan gabe. Hori horrela, medikuarengana joan bitartean, haurrak dituzten guraso guztiek egoera arrunt, urgente eta/edo larrien aurrean baliagarriak diren prozedurak azaltzen dira.

Guk, gida guraso.eus-era ekarriko dugu atalez atal  interesgarri izan daitekeelakoan.

 

 

 

 

Utzi erantzuna

Zure e-posta helbidea ez da argitaratuko. Beharrezko eremuak * markatuta daude