Quantcast
Guraso.eus

Lehen sorospenak: BEROAK eta HOTZAK ERAGINDAKO ARAZOAK

BERO-KOLPEA

 

Ingurugiroko beroak eragindako gorputztenperaturaren igoera.

SINTOMAK

Hasieran: buruko mina, azal bero eta lehorra eta desorientazioa.
Gorputzeko tenperatura 40-41 ºC bitartekoa izan daiteke.
Bero-kolpea hasi eta ordu batzuetara kontrolatzen ez bada, heriotza eragin dezake.

ZER EGIN

Eraman kaltetua berehala osasun-zentrora.
Jarri kaltetua bitartean toki freskoan eta itzalean.
Biluztu eta gorputza ur freskoarekin busti. Haizegailua erabil daiteke.
Saiatu pixkanaka tenperatura 38,5 ºC-tik behera jaisten.

HOTZAK ERAGINDAKO ARAZOAK

 

Gorputzeko tenperatura 35 ºC-tik behera jaisten denean.

HIPOTERMIA

SINTOMAK

Lehenik hotzikarak sentitzen dira.
Tenperaturak jaisten jarraitzen badu, hotzikarak desagertu egiten dira.
Kaltetua geroz eta ahulago aurkitzen da, eta koordinazio-falta sentitzen du.
Gorputz osoa hotz egoten da.
Pertsonak bizirik iraun dezake tenperatura 23,9 eta 29,4 ºC bitartean mantentzen bada. Jakin behar da ohiko termometroek 34,4 ºC-tik gorako tenperatura baino ez dutela markatzen.

ZER EGIN

Kaltetua osasun-zentrora eraman.
Kaltetua leku lehor eta beroan jarri behar da. Jantzi bustiak kendu eta oihal edo manta beroekin babestu. Ez da komeni orduko 0,6 ºC baino gehiago berotzea.
Etzanda gorantz begira jarri behar da eta ez zaio oinez ibiltzen utzi behar.
Kaltetua konortearekin badago, edari beroak edan ditzake.

 

 

 

 

 

 

 

 

 

 

 

 

Lehen sorospenei buruzko gidaliburua argitaratu zuten 2008. urtean Donostia Ospitaleko Pediatria Zerbitzuko mediku egoiliarrek.  Gida  honen helburu nagusia  gurasoei ume gaixoaren edo istripua izan duenaren ondoeza edo mina arintzeko informazio baliagarria eskaintzea izan zen. medikua ordezteko asmorik izan gabe. Hori horrela, medikuarengana joan bitartean, haurrak dituzten guraso guztiek egoera arrunt, urgente eta/edo larrien aurrean baliagarriak diren prozedurak azaltzen dira.

Guk, gida guraso.eus-era ekarriko dugu atalez atal  interesgarri izan daitekeelakoan.

 

 

Utzi erantzuna

Zure e-posta helbidea ez da argitaratuko. Beharrezko eremuak * markatuta daude