Quantcast
Guraso.eus

Kristeller maniobra

Ezagutzen duzue erditzeetan egiten den  Kristeller maniobra?  badakizue zer den? ze arrisku dituen?

 Kristeller maniobra erditzean egiten den maniobra da. Amaren sabela indar handiz estutzen da uzkurdura batean zehar haurrari ateratzen lagundu asmoz. Maniobra hau zenbait herrialdeetan debekatua dago, beste askotan ez egitea gomendatzen da. Zenbat emakumek  ezagutzen dute maniobra hau eta baimendu bere erditzean erabiltzea?

Estatuko osasun  ministerioak egindako inkesten arabera  erditzeen %26an erabiltzen da maniobra hau,  honek esan nahi du lau erditzeetatik batean  erabiltzen dela. (ser padres webgunea)

Kontutan izan behar dugu Kristeller maniobrak  haur zein amarentzat arriskuak dituela eta ebidentzia zientifikoak ez duela frogatu inongo onurarik duenik, ez erditzearen bizkortzeari dagokionez, ez eta  instrumental-zatutako erditzeak saihesteko orduan.

Haurrarentzat dituen arriskuak:

• Haurraren klabikula haustea, buruko ubelduak, esternokleidomastoideoaren urradura …

• Besoak, sorbaldak edo eskuak haustea edo mugikortasun arazoak sortzea haurrarengan.

• Saihetsak haustea.

• Hipoxia

• Barne organoen lesioak

• Hematomak

• Garunean presioa handitzea

Amarentzat dituen arriskuak:

• Amak hemorragiak eta urradurak izatea.

• Umetokiko haustura.

• 3. eta 4. mailako perineo edo baginako urradurak.

• Prolapso urogenitala

• Plazenta goizegi egoztea

• Saihetsak haustea

Iturria : Sabeletik mundura

El Parto Es Nuestro elkartea hau jasan duten emakumeen historioak biltzen ari da datu errealak jasotzeko. Elkarte honek emandako datuen arabera teknika hau jasan duten emakumeen %96ak ez zekien zer egin behar zieten eta ez zuten bere onarpena eman.  Zure esperientziaren berri eman nahi baduzu hemen duzu zure txokoa.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading