Kolaboratzaileekin solasean

Azken kolaborazioen egileei elkarrizketa egin diegu beraien artikuluak oinarri hartuta. Elkarrizketa hauetan artikuluan aipatzen dituzten kontu ezberdinetatik tira egin dugu, beraien iritzia jasotzeko asmotan.
Itsaso Pagoagak jostailu “hezitzaileen” inguruan idatzi zuen:

Gaur egun mota askotako jostailuak daude salgai merkatuan eta horietako batzuk entretenigarriak eta dibertigarriak dira. Haurra ez aspertzeaz gain hezteko ere balio dute. Jostailu hauei, jostailu hezitzaileak esaten zaie: koloreztatzeko liburuak, buruhausgarriak, irudimena dantzan jartzen duten jostailuak etab. Beraz, jostailu hezitzaileek haurraren gaitasunak modu dibertigarrian estimulatzen dituztenak direla esan genezake.
Baina zer dira benetan jostailu hezitzaileak?

Usoa Agirre Kolaboratzaile berria dugu, berak teknologia berriak eta gurasotasuna uztartuko ditu bere idatzietan. Hilabete honetako kolaborazioan sare sozialen erabileraren inguruan idatzi du.

Guraso izan aurretik erabiltzen zenituen sare sozialak. Lagunekin eta ezagunekin partekatzen zenituen zure burutazioak, artikulu interesgarriak, oporretako argazkiak… Facebooken, Twitterren, Instagramen… Baina, bat batean haurdun geratu eta zure kontuak ez ezik, zure umearen kontuak partekatzen hasten zara: lehen ekografia, jaiotza, lehen pausoak, urtebetetzeak … Horiek guztiak lagunekin eta ezagunekin, Facebooken, Twitterren, Instagramen… Kontziente ote zara/gara argazki horiek izan dezaketen oihartzunaz

Nerea Agirrek gai ezberdinak erabiltzen ditu bere idatzietan, 2016ko lehen kolaborazioan guraso eta seme alaben komunikazioa izan du hizpide, bere herrian egindako behaketa bat oinarri izanda.

Arratsalde batez, kalean erosketak egiten nenbilen bitartean nire behaketa gaitasuna aktibatu nuen eta kaletik ikusi nituen guraso eta seme-alabei beha egon nintzen, disimuluz batzuetan eta askotan ahalegin berezirik egin gabe, albotik pasatzean nik eta behatzaile ez ziren besteek entzuteko moduko mezuak entzun bainituen