Quantcast
Guraso.eus

Jolas gunea: Andatza edo Arizterrazu, Aian (Gipuzkoa)

Neska-mutikoekin denbora pasa joateko leku ederra da Aiako Andatza auzoa. Oriotik abiatu eta Aia herrira iritsi aurretik dagoen auzunea da. Ospatsua da aspalditik bertako Arizterrazu ostatuan egiten diren trikiti erromeriengatik.

Aparkalekua, auzo eskola, parke txiki bat, ermita eta frontoia ditu auzuneak. Eserlekuak eta iturria ere ez dira falta, eta Arizterrazu ostatuan askotariko jakiak zein edariak eskaintzen dituzte.

Jolaserako erabilera libreko frontoi estalia, jolaserako estrukturak, ziburuak, eta mahai-tenisa daude. Beraz, ez ahaztu palak, mahai-teniseko pilotak zein frontoirako tresnak eta jarduera fisiko pixka bat egiteko aukera ere izango duzue.

Leku lasaia da eta nagusiak zein umeak lasai eta gustura egoteko modukoa. Gertu dago Orioko hondartza eta baita ere Aia herria.

OHARRA: Zure inguruan umeekin joateko gomendagarria iruditzen zaizu lekuren bat badago bidali argazkiak gurasoak@txatxilipurdi.com helbidera.

Iturria eta argazki gehiago: jolasparkeak.eus.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude