Quantcast
Guraso.eus

Jarduera arriskutsuak, 9 voltioko pila bat mihazkatu

Askotan hausnartu izan dugu webgune honetan gurasoon beldurraren inguruan, gure seme alabak gehiegi babestearen arriskuaz. Guraso.eus proiektuko kolaboratzaile den Itziar Bartolomek artikulu bat idatzi zuen gaiaren inguruan, Haurtzaroko ‘burbuila’ eta giza garapena izenburuarekin.

“Gure haur eta gazteek merezi dute frustrazioa zer den ikastea, merezi dute gure beldurren gainetik bizitzea, seguruak ez diren lekuetan mugitzea, merezi dute haiengan konfiantza guztia izatea eta heltzen lagunduko dien esperientziez gozatu eta sufritzea. Merezi dute bidean kolperen bat edo beste hartzea (eta ez koltxonetazko lur batean), merezi dute berriro zutitzeko aukera ematea, zentzurik zabalenean.”

Hik hasi aldizkarian ere irakurri genituen Francesco Tonucciren hausnarketak gurasoon beldurren inguruan.

 

Gurasoon beldurren inguruan eta kaleko arriskuen inguruan familiek bi soluziotara jotzen dutela ikusi du Tonuccik. Soluzio bat defentsa da: “Gure gizarteak, komunikabideen, ekoizpen komertzialaren, bere teknikoen (psikologo, hezitzaile, familia aholkulariak) bidez zabaltzen duen mezua indibidualista da, soluzio pribatua. Gaur eguneko egoera justifikatzen duen soluzioa da, garapenaren ondorio eta kostu gisa aurkezten digute. Kalea arriskua da: gaizkileak, trafikoa, droga, biolentzia, baso ilun eta mehatxugilea; barruan —etxean— segurtasuna, autonomia, lasaitasuna ditugu, hiru txerritxoen etxea, edo, nahi-ago baldin bada, erdi aroko gaztelua da gaur eguneko gure etxea, bere harresi eta zubi zintziliekin. Behatxulodun ate blindatuak ditugu, begira dezagun baina ikus ez gaitzaten; bideodun txirrinak eta alarmak”.

50-dangerous-things

 

Arriskuen inguruan hausnartzeko eta esperimentatzeko gurasoentzako liburu bitxi batetik tiraka  “50 cosas peligrosas”, eskola eta proiektu ezberdin bat ere  ezagutu dugu. Brightworks eskola. San franciskoko eskola ezberdin honetan ikasleek (6-13 urte bitartekoek)  beraien proiektu propioak eraikitzen dituzte, benetako tresnak erabiliz.

Aipatu dugun liburuan haurrekin egiteko 50 gauza “arriskutsu” aurkezten dizkigu Gever Tulleyk, Brightworks proiektuko sortzailea da bera eta liburua autoeditatu egin behar izan zuen argitaletxeek ez baitzuten argitaratu nahi izan.

Oso ideia eta proposamen sinpleak aurkitu ditzakegu liburuan, edozein haurrek egingo dituenak, 11. proposamena adibidez harriak jaurtitzea da, edo  28. proposamenean adibidez zuhaitz batera igotzeko gonbita egiten da. Beste proposamen batzuek aldiz zalantzak sortzen dizkigute, 45. proposamena suarekin jolastea da 34.a tresna elektrikoak  desmuntatzea edo 33 a zabor edukiontzi baten barruan sartzea. Liburuko beste batzuk egitea asko kostatuko zaigu eta inork egiten ikusiz gero  agian poliziari ere  deituko dio!

Baina tira, kontua da liburuak eta bere egileak bultzatu dituen proiektu ezberdinek hausnarketa bat egitera bultzatzen gaituztela. Haurrak,  arriskuak, gain-babesa, haurren autonomia,…

Guk guraso.eus en haurrekin egiteko  “arriskutsuak” diren jarduera hauetariko batzuk aurkeztuko dizkizuegu, zuek erabaki arriskatu nahi duzuen edo ez.

 Jarduera arriskutsua: Miazka ezazu 9 watteko pila bat

 

50dangerous3sm

Nola egin

 

Deskarga txiki  bat nabarituko duzu, ez dizu minik emango baina  arraroa izan daiteke.

-Hartu pila eta jarri ezazu gora begira.

-Atera ezazu mihia

-Arnasa sakon hartu

-Ukitu itzazu pilaren terminalak mihiarekin

-Oraingoan utzi ezazu segundo batez pila mihiarekin kontaktuan, nola deskribatuko zenuke sentsazioa?

 

 

 

 

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading