Quantcast
Guraso.eus

Indarrean da zaintza partekatuari buruzko legea Araban, Bizkaian eta Gipuzkoan

Joan den ekainean onartu zuen Eusko Legebiltzarrak seme-alaben zaintza partekatua arau nagusi gisa hobesten duen legea, eta indarrean da urriaren 10etik. Banandutako bikoteen seme-alaben zaintza arautzen du legeak, eta atzera begirako eraginez ere aplikatu ahalko da.
Captura de pantalla 2015-10-19 a las 10.14.31
Legearen arabera, neurri nagusia izango da zaintza partekatua, eta bi aldeetako batek eskatuz gero, epaileak aztertu beharko du hori ez ezartzeko baldintzak gertatzen ote diren. Halaber, bi gurasoen arteko harremana ona ez den kasuetan, epaileak zaintza partekatua ezarri ahalko du, baita bietako bat aurka egonda ere. Bestalde, auzitara jo aurretik, bikote guztiek derrigor bilatu beharko dute bitartekaritza zerbitzua.
Etxebizitzari dagokionean, umeen zaintza duen pertsonari emango zaio berau erabiltzeko lehentasuna, salbuespenekin, eta zaintza partekatua denean, behar gehien duenak erabiliko du (bestea diruz konpentsatuko du).
EAJ, PP eta UPDren aldeko botoekin atera zen aurrera legea; EH Bildu aurka agertu zen, eta PSE-EEk abstentziora jo zuen. Legearen hiru talde sustatzaileek adostutako zuzenketa baten bidez, atzera eraginez aplikatu ahalko da legea, hots, indarrean sartu aurretik ezarritako hitzarmenak eta neurri judizialak berrikusteko aukera izango da, aldeetako batek edo epaileak hala eskatuz gero.
Albistearen eta argazkiaren iturria Berria.
Gaiaren inguruko lotura interesgarriak: EITB, Kidetza, Gara, Hamaika telebista,

Utzi erantzuna

Zure e-posta helbidea ez da argitaratuko. Beharrezko eremuak * markatuta daude