Carrot Crazy lau minutura iraupenera iristen ez den laburmetraia da. Dylan Van Wormerrek eta Logan Scelinak sinatzen dute, eta oso ondo islatzen du gatazka batean sartzen garenean sarri gertatzen zaiguna. Gatazkaren gurpil zoroan sartzen gara hasierako helburua zein zen ahaztera iritsi arte.

Gatazkak, sarri, lehia moduan bizi ditugu eta irabaztea izaten dugu helburu. Irabazi/galdu eskematik irabazi/irabazi eskemara pasatzeko ahalegina egin beharko genuke.

Gatazkak kudeatzen ikasi egiten da. Informazio pila dago horren inguruan.

Guraso garen aldetik argi izan behar dugu gure seme-alabek guregandik ikasten dutela gatazkak kudeatzen. Gure jokaerak eta jarrerak errepikatuko dituzte beraiek ere.