Quantcast
Guraso.eus

Haurtzarotik mendizaletasuna sustatzeko arrazoiak

Gipuzkoako Mendizale Federazioak EHUko irakasle Jexux Mari Zulaikarekin batera egindako lanketaren ostean jasota gelditu dira mendizaletasuna haurtzarotik bultzatzeak dituen onurak.

Hamazazpi arrazoi elkartu dituzte familien artean, ikastetxeetan zein aisialdi taldeetan zabaltzeko.

• Lehiakortasunik bultzatzen ez duen kirol jarduera bakarretarikoa da.
• Haurrekin batera aldi berean gurasoek ere parte har dezakete.
• Jarduera erabat inklusiboa da: adin, maila, sexu, ikastetxe, gaitasun desberdineko haurrek elkarrekin armonian parte hartzen dute.
• Hezitzailea da, bai balioei zein edukiei dagokienez ere.
• Naturaz eta ingurumenaz gozatzen irakasten du.
• Ingurugiroa babestu eta ama-lurraren, zein garapen jasangarriaren garrantziaz kontzientziatzen laguntzen du.
• Lasaitasunaz, patxadaz eta denboraren kudeaketaz gogoeta egiten laguntzen du
• Lagunartea eta kideen arteko harremanak sendotzeko baliagarria da.
• Helburu bat lortzeko saiatze eta sakrifizioaren kultura indartzen du.
• Curriculumeko hainbat eduki lantzeko baliagarria da. Biologian, fauna, flora, ekosistemak, geologia… Mendia laborategi naturala da.
• Gizarte arloan: mendiak, herriak, paisaiak, bazterrak ezagutzeko aukera eskaintzen du.
• Ondasun kulturalak, gure arbasoen aztarna historiko ugari eta garai bateko bizimoduaren hainbat lekuko bertatik ezagutzeko parada ematen du.
• Jarduera oso osasuntsua da, aerobikoa eta gizakiaren berezko lokomozio eraz baliatzen dena. Aire garbia arnasteko aukera
ematen dizu.
• Bizi-ziklo osoan zehar landu daitekeen jarduera da, baita aitona-amonek ere.
• Etorkizunari begira ohitura osasuntsua garatzeko guztiz baliagarria da.
• Jarduera merkea da, denentzat eskuragarri dagoena.
• Ez dezagun ahaztu turismo aktiboak gure ekonomiari egiten dion ekarpena.

Iturria: Gipuzkoako Mendizale Federazioa.
Irudia: Juancar Sanz.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude