Quantcast
Guraso.eus

Haurren beharretara egokituko den herri espazio bat transformatu gura dute Bergaran Kilometroak festarako

Egitasmoak Blai Blai du izena eta Bergarako Kilometroak 2016 jaialdiaren baitan sortu dute.  Helburua da urriaren 2ko festarako haurren beharretara egokituko den herri espazio bat transformatzea.

Captura de pantalla 2016-04-15 a las 12.53.12

(Argazkian Sara Martinez, Xabi Luke, Maite Arantzabal eta Nerea Madariaga, Airez taldeko kideak)

Aurten Bergaran ospatuko den Kilometroak 2016 jaialdiak hainbat helburu ditu. Aranzadi ikastolarentzako errekurtsoak lortzeaz gain, herritarrak hasieratik bukaerara inplikatzea eta haiek parte hartzea da beste helburu bat, eta horren harira sortu dute Blai-Blai prozesua.

Prozesu horren bultzatzailea Airez taldea da. Bertako kide Nerea Madariagaren hitzetan: “Hiri antolamenduak bizitzan duen eraginaz jabetuta, hori moldatzeko herritarren parte hartzea posible egingo duten metodologia berritzaileak aplikatzea helburu duen talde bat gara”.

Airez taldea sortu aurretik Berrekin. Berregin prozesuan ibilitakoak dira kideetako asko, eta bertan, hiri ereduaren eta hezkuntzaren inguruko hainbat gogoeta egin zituzten.

Euren ustez, hiri antolamenduan hutsune handia dago haurrentzako espazioei dagokienez. “Kilometroak 2016 jaia Bergaran ospatuko dela ikusita eta herritarren parte hartzean sakontzeko apustua egin nahi dutela ikusita, bertan parte hartzea aukera paregabea zela pentsatu genuen”.

Gunea zein izango den definitu gabe dago oraindik. Zirkuituan zehar dauden guneak aztertzen ari dira eta erabakia laster hartuko dute. Bultzatzaileek esan dutenez, “gunearen diseinuak garrantzi handia izango duen arren, prozesu osoa da baloratu behar dena, helburua  jendearen ekarpenetatik sortutako zerbait eratzea da eta”.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading