Quantcast
Guraso.eus

Haurraren agenda berria

Itziar Bartolomen idatzi zuen kolaborazio artikulua 2009. urtean

Hasi da ikasturtea eta laster eskola orduak ez ezik, eskolaz kanpoko ekintzak izango dituzte ume askok euren agendetan: ingelesa, dantza, musika, multi kirola, informatika … Zerk bultzatzen du gurasoa haurra horrenbeste gauzetan sartzea?

AGENDA-13
Iritsi da iraila. Eskola egunak hastearekin batera haurraren agenda berrantolatzen da. Astelehenetik ostiralera bitartean, esnagailuaren txirrinarekin altxatuko da, eskolara joan eta arratsaldean eskolaz kanpoko ekintzak izango ditu bere agendan; ingelesa, dantza, musika, informatika, klase partikularrak, multi kirola…  Gero eta aukera gehiago esku artean.  Eta era berean, agenda gero eta beteago!

Zerk bultzatzen du gurasoa haurra horrenbeste gauzetan sartzera?
Bi arrazoi nagusi daude;

-bat da, gurasoek haurraren zaintzaz arduratzeko gero eta denbora gutxiago dutela,
-bestea, haurra kalean uztea baino, nahiago dutela ekintza formatibo baten txertatzea, etorkizunerako armak hartu ditzan.

inmobiliaria-gonsi-barcelona-gonsiblog-el-arte-de-cuadrar-la-agenda
Hala ere, egoera formatiboa edozein izanik, haurrarengan ikaskuntza prozesua aktibatzeko,  ezinbestekoa da haurra motibatua egotea, eta askatasunez parte hartzea jarduera horietan. Eta hau, ez da beti errespetatzen.

Zeintzuk dira haurraren beharrak?
Askatasunez ESPLORATZEKO eta lagunekin JOLASTEKO DENBORA behar du. Biologikoki programatua dago jolasaren bitartez mundua eta bere nortasuna deskubritzeko. Jolasa bere lagunekin konpartitzen duenean, esplorazio instintua berez aktibatzen da (ikaskuntzaren motorra dena),  eta bere parekoekin harremantzen denean, komunikazio emozionala garatzeko urrats garrantzitsuak ematen ditu. Bestalde, jolasa askea denean, hau da, hezitzaileak esku hartzen ez duenean, haurraren autonomía, iniziatiba eta sormenari lotutako jarrerak topera azaleratzen dira. Egungo hezkuntza eredu nagusiak -eskolan, zein eskolatik kanpo ematen denak-, aldiz, etengabeko jarduera zuzenduak direla medio, nahigabe, haurraren gaitasun naturalen  garapena mugatu egin dezake. Nagusiari, beraz, haurraren etapa berezi hori errespetatzea dagokio.

Agendaren berplanteamendua
Ikasturteko ajenda egiterakoan, gure beharrei erreparatzeaz gain, haurraren beharrak zeintzuk diren kontutan hartzea komeni da. Haurraren agenda betetzeak, ez du inolaz ere suposatzen gehiago ikasiko duenik, eta are gutxiago, zoriontsua izango denik! Agian, estresak harrapatuko du. Beraz, ajenda haurrarekin negoziatuz  adostu beharreko kontua da eta ez da ekintza ugariez betetzea.

Gogoratu, eskolan 6 ordu eman ondoren, haurrak askatasunez mundua esploratzeko  espazioa  behar duela. Hezitzaile eta nagusien aginduetatik liberatuz, bere ikaskuntza prozesu naturalari dagokion tartea bizitzeko beharra du. Aukerak ugariak dira; auzoko enparantza, parkea, ludoteka, kirol etxea, frontoia, basoa, liburutegia…

Baloratu haurrak berezko dakarren altxorra eta utzi loratzen!

Itziar Bartolome

Kaixo, Itziar Bartolome Aranburuzabala nauzu (Arrasate, 1973). Hezkuntzaren psikologian, dinamizazio soziokulturalean eta ikaskuntza prozesu zailetan laguntzeko trebatu nintzen. Hala ere, teoria guztietatik haratago, bizipenen bidez ikasten dudan pertsona naizenez, eguneroko jarduna da nire eskolarik esanguratsuena. Naturari ahalik eta errotuen bizitzeko apostua egin dut eta horrek ematen dit oinarrizko bizipoza eta lasaitasuna egunerokoari sormenez eta gogotsu ekiteko. Biziki maite dut izaki guztiengandik gertu sentitzea, eta bereziki, haurrekiko harremanak izan dira, gaur arte, nire ikaskuntza prozesua gehien aberastu dutenak. Euskalgintza, herrigintza eta naturgintzari erabat lotuta dago nire taupada. Hezkuntza ez formalaren eremuan hamaika proiektutan hartu dut parte haur zein heldu jendearekin eta esparru horretan sustraitu naiz gustura. Guraso.com-en aldiro idazten dut “basoa kanpotik ikusten” saiatu eta ikuspegi hori konpartitzeko asmoz. Elkarrengandik asko ikasiko dugulakoan, gero arte eta ondo bizi!

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading