Quantcast
Guraso.eus

Haurra behatza txupatzen hasi da

Galdera hau jaso genuen guraso.eus en. Nahia Alkorta kolaboratzailearen erantzunarekin batera argitaratzen dugu. erabilgarria izan daitekeelakoan.

Kaixo, 3urteko neska baten gurasoak gara , duela aste pare bat behatza txupatzen hasi da. (Guri belarria ikutzen digun bitartean)
Urte terdirarte titia eman genion eta txupetea erabili zuen ondoren.(hilabete pare bat) Ikasturte hasierarekin batera gertatu da.
Ohitura hori kentzeko edo gutxitzeko zer egin dezakegun jakin nahi dugu.

Ahoan hatza sartzea lotuta egon ohi da estresa, aldaketak, urduritasuna… bezalako emozioekin, sabel barnetik egiten dugun zerbait da (zilborhestea eta behatzak zein hatzak) eta erlaxatzen gaituen modu bat. Gainera “ahozko fasea” oso garrantzitsua izan ohi da garapenean. 

Higiene eta kultur arauengatik ez dago ongi ikusia eta behar hori bideratzeko joera dugu maiz. Halakoetan hatza ordezkatuko duen zerbait eskaintzea izan daiteke aukera bat (ez du zertan txupetea izan, batez ere, ahoaren garapenean duen eraginagatik). Izan liteke “edoskitzeko lepokoa”, “mordedore” deitzen zaizkien panpinak edo bestelako objekturen bat. Segurua izan dadila, itotzeko arriskurik sortuko ez duena eta haurrak gustuko duena (berarekin aukeratuz gero hobe), hatza sartzen duenean eskaini eta poliki poliki trantsizioa eman ohi da. Hori bai, gerora, objektu horrekin sortu duen atxikimendua eta objektu hori uzteko prozesua ere errespetatu beharko da. Azken batean, emozioak erregulatzeko erabiliko duen zerbait izango baita. 

Nahia Alkorta.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading