Quantcast
Guraso.eus

Gorputz-kontaktua, neurtutako borroka-jolasak eta itzulipurdiak garrantzitsuak dira garapen egokirako

Neurria hartuz gero gorputz-kontaktuan oinarritutako jolasak oso gomendagarriak dira haurraren garapen egokirako. Talde ekintzetarako adimena eta adimen emozionala eraikitzen laguntzen dute, eta onuragarriak dira, orokorrean, gizakiaren osasun mentalarentzat. Jolasen eta itzulipurdien bitartez susta dezakegu.

323973413_b2123acf84_o

Gorputz-kontaktuan oinarritutako jolasek estresaren aurkako neurri naturala dira. Adituen esanetan opioide izeneko sustantziaren produkzioa eragiten dute, eta egoera emozional oso positiboak eragiten ditu. Haurrek ikasten dute emozioak erregulatzen. “Zure seme-alabekin jolas fisikoan ematen duzun denbora garrantzitsua da. Emozioen kudeaketaz arduratzen den garun atalaren garapena sustatzen ari zara”, adierazi du haurren psikologo Margot Sunderland-ek.

Borroka-jolasak eta itzulipurdiak umeen artean edo helduen eta umeen artean eman daitezke. Garrantzitsua da jolasean ari garela ziurtatzea uneoro, eta errespetatu behar dira beti haurr(ar)en iniziatiba, parte hartze boluntarioa eta espazio pertsonala zein fisikoa. Gogoratu haurrentzako jolasak direla, ez helduentzako.

Umeek zarata, salto, korri, itzulipurdi… egiten dute, eta horrek poztasun egoera handietara eramaten ditu. Jolasari hasiera emateko kili-kiliak egin sabelean, bota airean edo eman itzuliak zure inguruan. Haurren arteko jolasa bada utzi lurrean itzulipurdi egiten edo bata bestearen gainean jartzen edo borroka egiten ari direla simulatzen. Ziurtatu beti jolasean ari direla. Komeni da horrelakoetan heldu bat aldamenean egotea.

Jarduera interesgarriak dira harremanak estutzeko, nork bere gorputzaren kontrola lantzeko, indarraren ezagutza egiteko, oreka lantzeko… Horrekin batera azkartasuna eta erreflexuak lantzeko, nor bere gorputzaren pisuaz ohartzeko, grabitate puntua kudeatzeko, besteen indarra neurtzeko, edo euskarrien egonkortasuna lantzeko.

Argazkiaren iturria hemen.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading