Quantcast
Guraso.eus

Gaueko entziklopedia koxkorra.

2princesesbarbudes talde kataluniarrak plazaratutako Enciclopèdia baixeta de la nit diskoaren euskarazko egokitzapena da Gaueko entziklopedia koxkorra. Ostiral honetan Arrasateko Kulturate aretoan ikusteko aukera egongo da bibliotekak antolatuta.

2446_32_02

Nor dira?

Helena Casas eta Marc Marcé kataluniarrek osaturiko musika taldea da 2princesesbarbudes; haurrentzako eta familientzako ikuskizunak eskaintzen ditu.

Zer egiten dute?

Pilarik gabeko jostailu-tresnekin egiten dute musika. Pop estetika minimalista eta poesia letra burutsuak dituzten abestiak interpretatzen dituzte.

“Enciclopèdia baixeta de la nit” katalanezko diskoaren euskararako egokitzapena da.

Zergatik euskaraz?

Halako jakin-mina izaki, Helena Casasek (katalan filologian lizentziatua) euskara ikasi zuen Bartzelonako Hizkuntz Eskola Ofizialean Ainhoa Aranburu irakasle izan zuela. Erronka eta jostaketa izan da bientzat disko hau grabatzea. Ainhoak egokitu ditu letrak eta zuzendu du Helenaren ahoskera. Abentura honetan Ainhoa bihurtu da hirugarren printzesa bizardun.

Laguntzaileak

Era berean, euskal betiko musikaz interesatu zen Helena, eta halaxe ezagutu zituen disko honetan lagun izan dituen Maialen Lujanbio eta Joseba Tapia.

Maialen Lujanbiok idatzi du disko honetako azken abestia (“Ondo lo egin”), Joseba Tapiarekin batean abestua.

Gainera, hainbat ahotsekin grabatu du Joseba Tapiak, eta bakarkako pasarte bat jotzera ausartu da jostailu-trikitiarekin!

Liburu – Diskoa

2princesesbarbudes taldeak ondutako 13 abesti, gaueko kontuak hizpide dituzten 13 abesti, biltzen ditu Gaueko Entziklopedia Koxkorra lanak. Letrak ere taldeak osatuak dira Xavi Grimau poeta katalanak (“Gaua marrazki bat da”) eta Maialen Lujanbio bertsolariak (“Ondo lo egin”) idatzitako biak izan ezik.

Helena Casasek ilustratutako albuma da liburu-disko honen formatua. .

 

Eszenaratzea

Familia osoarentzako musika-ikuskizunaren formatua du lan honek, clown, objektuen antzerki eta ikusizko poesia ukituekin.

2princesesbarbudes                                                        

Printzesak abestu eta bizardunak mikrofonoak jartzen dituela esan genezake. Baina era berean esan genezake emakume bizardunak marraztu eta printzeak akordeak interpretatzen dituela. Horra hor bizardun printzesa eta printzesa bizarduna. Gitarra arrosen, igel-maraken eta plastikozko tronpeten artean aurkituko dituzue Marc Marcé eta Helena Casas musika baxua egiten jende baxuarentzat. 2princesesbarbudes ikuskizunean abesti ezagunak eskainiko dira % 100ean jostailu diren tresnekin.

Helena Casas (Pomada eta Conxita taldeetako abeslaria eta ilustratzailea) eta Marc Marcé (musikaria eta soinu teknikaria) elkarrekin lanean ari direnean dira 2princesesbarbudes.
Dena hasi zen 2006. urtean Conxita taldearen “Música de Perros” eta Xerramequ tiquismiquisen “Canto” bideoklipak grabatu zituztenean. 2008an “Musiquetes por la Bressola” diskoan parte hartu zuten “La Pastoreta” abestiarekin. 2010. urtean eskaini zuten beren lehenengo musika-ikuskizuna, FLIC jaialdiaren baitan: “Quien canta sin tono, no tiene la cabeza buena!”
2012an aurkeztu zuten “Cançons i rimetes” ikuskizun-diskoa. Kataluniako betiko abestien interpretazio minimalista da, pop moldean eskainia.

2014an aurkeztu dute “Enciclopèdia Baixeta de la Nit” ikuskizun-diskoa, egileok ondutako 13 abesti, gaueko gaiak hizpide dituztenak. Ainhoa Aranburuk euskaratu eta egokitu du ikuskizun-disko hau “Gaueko Entziklopedia Koxkorra” izenarekin; 2014ko udazkenean kaleratuko da.

 

Musika baxua

2princesesbarbudes taldeak musika baxuaren etiketa proposatzen du.
Baxua, musika tresna txikiekin osatua delako, pilarik erabiltzen ez dutenekin eta ozenegiak ez direnekin.
Baxua, txikiek eta handiek gozatzen dutelako.
Baxua, xumea eta minimalista delako.
Baxua, artisau erara ondua delako eta ekoizpen zenbakidunekoa delako.

a0176218052_16

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading