Quantcast
Guraso.eus

Familiaren egoera sozioekonomikoak umeen jarrera altruistan eragina du

Andrea Khalfaouik kaiera egitasmoan argitaratutako testua ekarri dugu Guraso.eus era.

Jarrera altruista jaiotzetik datorkigula uste izan da. Beste batzuek, berriz, elkarrekintza jakin batzuen ondorioa dela diote. Dena dela, argi dago lehenengo urteetatik umeek altruistak diren jarrerak erakusten dituztela. Baina, kasu honetan, zertan eragin dezake maila sozioekonomikoak? Inkognita horri erantzuna eman nahian, Chen, Zhu eta Chen ikertzaileek 2013an argitaratutako ikerketan aztertu zuten gurasoen maila sozioekonomikoak zer-nolako eragina izan zezakeen eskolaurreko umeen jarrera altruistan. Horretako, Dictator Game izenez ezagutzen den froga aurrera eraman zuten lau urteko 469 ume txinatarrekin. Jolas horren arabera, parte-hartzaile bakoitzak ondasun baten kantitate jakin bat dauka, eta lagun edo ezagun eta ezezagun baten artean banatzeko eskatzen zaio. Ikerketa horretan, ondasuna gometsak ziren. 

Emaitzek diotenez, umeek lagunei gomets gehiago eman zizkieten ezezagunei baino. Bestalde, egoera sozioekonomiko larriagoetan zeuden umeek gomets gehiago banatu zituzten, maila sozioekonomiko altuagoko umeekin konparatuz. Ez zen genero-desberdintasunik topatu. Anai-arreba izateak ere ez zuen eraginik izan umeen jarrera altruista ikertu zenean. Hau da, emaitzek diotenez, seme edo alaba bakarrak ziren zein anai-arrebak zituzten umeek ez zuten ezberdintasunik erakutsi lagunei edota ezezagunei gometsak banatzean.   

Dena dela, ikerketaren emaitzek iradokitzen dute ezbeharrek jarrera altruista sustatu dezaketela. Nahiz eta kultura-arloko ezberdintasunak egon daitezkeen, ikerketak iradokitzen du jarrera altruista lehenengo urteetatik agerian dela eta testuinguru latz batean haztea ez dela oztopoa altruismoa garatzeko. 

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading