Umea osasuntsu hazi dadin, gutxienez hiru ordu eman behar ditu egunean aire zabalean jolasten. Hala dio Heike Freirek, naturarekin interakzio zuzena duten haurrak erlaxatuago bizi direla eta adimen abstraktua, afektibitatea, gaitasun sozialak, autoestimua, sormena, enpatia… garatzeko lagungarri zaiela
Teroriatik praktikara, aurkezten dizuegun eskulan honek errekara jaitsi eta harriak biltzeko aukera eskainiko digu, naturaz gozatzeko aitzakia paregabea! bide batez kaleak berreskuratzeko jolasa sortuko dugu!
“Kotxeak edonon daudelarik,espazio publikoa berreskuratzearen beharra inoiz baino garrantzitsuagoa da haurrek kalean jolas dezaten, eskolara bakarrik joateko autonomia berreskura dezaten, kalea elkartrukerako izan dadin…” (Francesco TONUCCI)
1. PAUSUA: Harriak batzea izango da lehen urratsa, aurkitu zure herriko errekan leku aproposa eta batu harririk politenak. guk eskulan honetarako sei beharko ditugu, denak neurri antzekoa dutenak.
MATERIIALA: Oso eskulan sinplea da aurkeztuko duguna, harriak, margoak, pintzela, rotulki bat eta klariona beharko ditugu!
2. PAUSUA: Hiru harri kolore batekin margotu eta beste hiru beste kolore batez. (guk gorria eta berdea aukeratu ditugu). Oso erraza da eta haur txikiek ere gozatzen dute harri grixei kolorea emanez!
3. PAUSUA: Behin harriak margotuta eta sikatuta ditugunean rotulkiarekin detaileak egin dizkiegu, guk mamorroak egin ditugu!
4. PAUSUA: Eta klariona zertarako? klariona hartu eta gure herriko kaleetako txoko bat aukeratuko dugu lurrean jarri eta hiru lerroan jolasteko laukiak marraztuko ditugu.
EMAITZA:Eskulana, jolasarekin amaituko dugu, ea nork egiten duen hiruko lerroa!
Iruzkinik ez "Eskulana eta jolasa: Errekara jaitsi gara harri bila"