Gaurko honetan ere sormen libreko ariketa proposatzen dizuegu. Honetarako etxean duzuen materiala eta etxetik gertuen dagoen natur gunera egingo dugun txangoan bildutako materiala (hostoak, makilak, harriak, …) uztartuko ditugu. Etxealdi garaian garrantzitsua izan  da naturarekin  harremana ez galtzea. Baliatu txangoak materiala biltzeko.  Gu naturaren magia etxera ekartzen saiatu gara, zuhaitz bat  osatu dugu, harrizko txori eta hosto bitxiekin.

Materiala

-Natur gune batetik batutako materiala

-Etxean eskulanetarako gordeta duzuen materiala. Guk papera erabili dugu

-Margoak

Pausuak

  1. Egin txangoa etxetik gertuen duzuen natur gunera, bildu erabiltzeko modukoa izan daitekeen materiala, makilak, hostoak, fruituak…)
  2. Guk zuhaitza  jartzeko lurra egiteko papera eta tenperak erabili ditugu. Eskuekin , pintzelekin… guk etxeko auto txikiak erabili ditugu pintzel moduan.
  3. Lurra egina dugula zuhaitzeko elementuak sortu ditugu. Txoriak harriekin eta hostoei nahi izan dugun apaingarriak gehitu dizkiegu.
  4. Batutako arramekin eta  egindako eskulantxoekin  zuhaitza osatu dugu. Hau hilabete honetako gure proposamena ea zuek zer sortzen duzuen.