Quantcast
Guraso.eus

Erein dilistak arrautza oskoletan

Dilistak diogu, baina izan daitezke baita ere txitxirioak, babak, ilarrak… Etxean daukazun horrekin egin aproba eta ea zer gertatzen den!

Ez dakigu gaurko proposamena baratzearekin lotutakoa den edo gehiago den eskulana. Bietatik du, noski, asko.

Laguntzarekin adin guztietako neska-mutikoekin egiteko moduko jarduera da. Oskolak osorik mantentzeko, akaso, neska-mutikoak bi urtetik gorakoak izatea beharko da. Bestela, badakizue, zaintza pixka bat.

Eskola guztietako klasiko handi bat da kotoiz hornitutako jogurt poteetan lekaleak ereitea. Zein gurasok ez du horrelakorik egin? Gaurko proposamenak badu, ordea, aparteko zerbait. Arrautzak husteko eta apaintzeko denbora hartzen baduzue zerbait benetan polita atera daiteke.

Jarri kotoi pixka bat arrautza oskolen barruan, eta busti ur tanta gutxi batzuekin. Gero, sartu lekaleak eta egun gutxiren buruan ikusiko dituzue landareak hazten. Ez da, gainera, baratzezain aditua izan behar. Ia denetan ernatzen dira lekaleak.

Gozatu!

Argazkiaren iturria: Pinterest.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading